Bhartia Infra Projects Ltd: ভাৰতীয় ইনফ্ৰা প্ৰজেক্ট লিমিটেডত চিবিআইৰ অভিযান - CBI raids In Guwahati
গুৱাহাটী, 26 জুলাই :মহানগৰীত চিবিআইৰ অভিযান ৷ উলুবাৰীৰ ৰয়েল আৰ্কেডত প্ৰায় 7 ঘণ্টা ধৰি অভিযান অব্যাহত আছে চিবিআইৰ ৷ উলুবাৰীৰ ৰয়েল আৰ্কেডত বুধবাৰে ভাৰতীয় ইন্ফ্ৰা প্ৰজেক্ট লিমিটেডৰ কাৰ্যালয়ত অভিযান চলাই আছে চিবিআইৰ এটা দলে ৷
12 জনীয়া চিবিআইৰ এটা দলে প্ৰায় 7 ঘণ্টা ধৰি অভিযান চলাই আছে কাৰ্যালয়টোত ৷ বিত্তীয় খেলিমেলিৰ অভিযোগ ভাৰতী ইনফ্ৰা প্ৰজেক্ট লিমিটেডৰ বিৰুদ্ধে ৷ ঠিকাৰ নামত শ-শ কোটি টকাৰ প্ৰৱঞ্চনাৰ অভিযোগ কোম্পানীটোৰ বিৰুদ্ধে ৷ লগতে ৰাষ্ট্ৰীয় ঘাইপথ প্ৰাধিকৰণ আৰু ভাৰতীয় ৰে’ল সেৱাৰ বৃহৎ পুঁজি আত্মসাৎৰ অভিযোগ প্ৰতিষ্ঠানটোৰ বিৰুদ্ধে ৷
একেসময়তে অসমৰ বিভিন্ন প্ৰান্তত চলিছে চিবিআইৰ অভিযান ৷ মহানগৰীৰ উলুবাৰীকে ধৰি সৰ্বমুঠ 7 টা স্থানত অভিযান চলাই আছে চিবিআইৰ দলে ৷ ইফালে এই সন্দৰ্ভত গুৱাহাটীৰ আন এটা গুৰুত্বপূৰ্ণ প্ৰান্ততো আন এক চিবিআই অভিযানৰ সম্ভাৱনা আছে ৷