সোণাৰিত এটা ঘৰত ওলাইছে গণি গণি শেষ কৰিব নোৱৰা টকা - Cash seized from Sonari

মৰাণ, 10 জানুৱাৰী : আৰক্ষীৰ অভিযানত ওলাল লক্ষ লক্ষ টকা ৷ চৰাইদেউ জিলাৰ সোণাৰিত আৰক্ষীৰ অভিযানত লাখে লাখে টকা ওলাইছে এটা বাসগৃহত ৷ সোণাৰি পৌৰসভাৰ 9 নং ৱাৰ্ডৰ এটা ঘৰত ওলাইছে এই বৃহৎ পৰিমাণৰ টকা ৷  

ড্ৰাগছ মাফিয়া নাজিম শ্বেখৰ সোণাৰি পৌৰসভাৰ 9 নং ৱাৰ্ডত থকা গৃহত আজি সন্ধিয়াৰে পৰা চলা আৰক্ষীৰ অভিযানত উদ্ধাৰ হয় টকাসমূহ ৷ গোলাঘাট আৰক্ষীয়ে বুধবাৰে তিনি কোটিৰো অধিক টকা মূল্যৰ নিষিদ্ধ ড্ৰাগছ সহ আটক কৰাৰ পাছতে নাজিম শ্বেখৰ বাসগৃহত চৰাইদেউ আৰক্ষীয়ে অভিযান চলাই উদ্ধাৰ কৰে এই বৃহৎ পৰিমাণৰ নগদ ধনখিনি ৷ 

জানিব পৰা মতে সোণাৰি আৰক্ষীৰ অভিযানত উদ্ধাৰ হয় 13 লাখ 96 হাজাৰ টকাসহ দুটা ম’বাইল ফোন ৷ লগতে 18 খন সক্ৰিয় এ টি এম আৰু ধন গণনা কৰা মেচিনো উদ্ধাৰ কৰিছে আৰক্ষীয়ে ৷ 

লগতে পঢ়ক :গোলাঘাটৰ জামুগুৰিত প্ৰায় তিনি কোটি টকা মূল্যৰ হেৰ'ইন জব্দ