BR Ambedkar Adarsh award : বিতোপন নেওগক ড৹ ভীমৰাও আম্বেদকাৰ আদৰ্শ সন্মান-২০২২ প্ৰদান

ড৹ ভীমৰাও আম্বেদকাৰ আদৰ্শ সন্মান-২০২২( BR Ambedkar Adarsh award 2022) মঙলবাৰে শিৱসাগৰত প্ৰদান কৰা হয় ৷ শিৱসাগৰ নগৰৰ ঐক্য কাৰ্যালয়ত অনুষ্ঠিত এক গাম্ভীৰ্যপূৰ্ণ অনুষ্ঠানত অসম চৰকাৰৰ কৰ্মশ্ৰী বঁটাপ্ৰাপক(Karmashree Award Assam) শিৱসাগৰ জিলাৰ অতিৰিক্ত উপায়ুক্ত বিতোপন নেওগক(ACS Bitupon Neog) এই বঁটা প্ৰদান কৰা হয় ৷ সদৌ শিৱসাগৰ জিলা অনুসূচিত জাতি ছাত্ৰ সন্থাৰ উদ্যোগত সংবিধানৰ প্ৰণেতাগৰাকীৰ মৃত্যু দিৱসৰ লগত সংগতি ৰাখি এই বিশেষ সন্মান প্ৰদান কৰা হয় ৷ বঁটা প্ৰদান অনুষ্ঠানত সদৌ অসম অনুসূচিত জাতি ছাত্ৰ সন্থাৰ কেন্দ্ৰীয় সাধাৰণ সম্পাদক পৰশজ্যোতি দাস আৰু শিৱসাগৰ জিলা সমিতি বিষয়ববীয়াৰ লগতে শিৱসাগৰৰ কেইবাজনো গণ্যমান্য ব্যক্তি উপস্থিত থাকে ৷