Drugs peddler detained: লাখ টকাৰ ড্ৰাগছসহ আটক হিৰকজ্যোতি - লাখ টকাৰ ড্ৰাগছসহ আটক হিৰকজ্যোতি ৰায়
ৰঙিয়া, 14 আগষ্ট :ৰাজ্যত অব্যাহত আছে ড্ৰাগছৰ বিৰোদ্ধে আৰক্ষীৰ অভিযান। ড্ৰাগছৰ বিৰুদ্ধে প্ৰশাসনৰ অভিযান তীব্ৰতৰ হোৱাৰ পিচতো তিলমানো যেন ভ্ৰুক্ষেপ নকৰা ড্ৰাগছ সৰবহকাৰীয়ে সদায় নতুন নতুন কৌশল অৱলম্বন কৰি চলাই আছে ব্যৱসায় । বিভিন্ন প্ৰকাৰে যুৱ প্ৰজন্মক আকৰ্ষিত কৰি ড্ৰাগছৰ ফালে ধাৱমান কৰাইছে ড্ৰাগছ ব্যৱসায়ীয়ে ।
চৰকাৰ তথা প্ৰশাসনেও শান্তিৰে চলাবলৈ দিয়া নাই ড্ৰাগছ সৰবহকাৰীক । মাজে মাজে এনকাউন্টাৰ কৰিও সীমিত কৰিব পৰা নাই সৰবহকাৰীক । তাৰেই এক প্ৰতিফলন দেখা গল বঙাইগাঁও জিলাৰ মাণিকপুৰ থানাৰ অন্তৰ্গত গোসাইগাঁৱত । গেৰুকাবাৰী আৰক্ষী চকীৰ ভাৰপ্ৰাপ্ত আৰক্ষী বিষয়া বিনয় মালাকাৰৰ গোপন অভিযানৰ ভিত্তিত ড্ৰাগ্ৰছ সৰবৰাহকাৰী হিৰকজ্যোতি ৰায়ক (28) আৰক্ষীয়ে হাতে লোটে ধৰিবলৈ সক্ষম হয় ।
আৰক্ষীৰ তথ্য মতে, 10 টা কন্টেইনাৰসহ ধৃতসৰবৰাহকাৰীজন মাণিকপুৰৰ পৰা নিজ গাঁও শিয়ালমাৰী অভিমুখে যাওঁতেই গেৰুকাবাৰী আৰক্ষীৰ জালত পৰে । সম্প্ৰতি সৰবহকাৰীটোক মাণিকপুৰ আৰক্ষী থানাত ৰাখি অধিক তথ্যৰ সোধপোচ অব্যাহত ৰাখিছে ।
সোমবাৰে ড্ৰাগছ সৰবহকাৰীটোক ন্যায়িক দণ্ডাধীশৰ ওচৰত হাজিৰ কৰি আৰক্ষীয়ে নিজৰ জিম্মাত বিচাৰিব বুলি জানিব পৰা গৈছে । জব্দকৃত ড্ৰাগছখিনিৰ মূল্য লাখৰ ওপৰত হ’ব বুলি আৰক্ষীৰ সূত্ৰই প্ৰকাশ কৰিছে ।
লগতে পঢ়ক :Drugs peddler detained: মৰিগাঁৱত ড্ৰাগছসহ আটক শ্বাহজাহান আলীক