Boat Accident at Nagarbera: নাওখেল চলি থাকোতেই ডুবিল নাও - Assam boat race video

গোৱালপাৰা, 8 অক্টোবৰ : দেওবাৰে কামৰূপৰ নগৰবেৰা মালিবাৰীত সংঘটিত হ’ল শিঁহৰণকাৰী নাও দুৰ্ঘটনা ৷ নাও খেল চলি থকাৰ মাজতে ভৰানদীত ডুবিল নাও । কথমপি প্ৰাণ ৰক্ষা পৰে নাওখেলৰ প্ৰতিযোগীসকলৰ । নগৰবেৰাৰ মালিবাৰীৰ জলজলী নৈত সংঘটিত হয় এই দুৰ্ঘটনা ৷ উল্লেখ্য যে, মালিবাৰী পথাৰ আঞ্চলিক নাও খেল পৰিচালনা সমিতিৰ সৌজন্যত অনুষ্ঠিত হৈছিল নাও খেল প্ৰতিযোগিতা ৷ কিন্তু খেল চলি থকাৰ মাজত সংঘটিত হ’ল এই অঘটন৷ দুৰ্ঘটনাটো সংঘটিত হোৱাৰ পাছতেই একাংশ নাৱৰীয়া সাঁতুৰি পাৰ হয় যদিও আন বহু নাৱৰীয়াক এছ ডি আৰ এফ বাহিনীৰ নাৱেৰে উদ্ধাৰ কৰা হয় ৷ এই পৰ্যন্ত এই দুৰ্ঘটনাৰ ফলত কোনো লোক হতাহত হোৱাৰ খবৰ লাভ কৰা নাই ৷ খেলৰ মাজতে এনেদৰে নাও ডুবাক কেন্দ্ৰ কৰি চাঞ্চল্যই বিৰাজ কৰিছে সমগ্ৰ অঞ্চলত ৷

লগতে পঢ়ক:Bengaluru cracker shop fire: একে গাঁৱৰে 14 গৰাকী লোকৰ মৃত্যু, 3 লাখকৈ নগদ সাহায্যৰ ঘোষণা