BJP Executive Meeting: আজি নলবাৰীত ৰাজ্যিক বিজেপিৰ বৰ্দ্ধিত কাৰ্যনিৰ্বাহক সভা - Assam CM Himanta Biswa Sarma

আজি নলবাৰীৰ চান্দকুছিত অনুষ্ঠিত হ'ব বিজেপি অসম প্ৰদেশৰ বৰ্দ্ধিত কাৰ্যনিৰ্বাহক সভা(BJP Executive Meeting in Nalbari) ৷ শুকুৰবাৰে এক সংবাদমেলযোগে এই কথা জানিবলৈ দিয়ে বিজেপিৰ নলবাৰী জিলা সমিতিৰ নেতৃত্বই ৷ জিলাখনৰ চান্দকুছিস্থিত (বৰআজৰা) বাসন্তীখলা সাংস্কৃতিক প্ৰকল্পত অনুষ্ঠিত হব এই সভাখন ৷ বিজেপি অসম প্ৰদেশৰ বৰ্দ্ধিত কাৰ্যনিৰ্বাহক সভাখনত উপস্থিত থাকিব বিজেপিৰ ৰাজ্যিক সভাপতি ভৱেশ কলিতা(Assam BJP President Bhabesh Kalita) , মুখ্যমন্ত্ৰী ড৹ হিমন্ত বিশ্ব শৰ্মাৰ(Assam CM Himanta Biswa Sarma) লগতে অসমৰ প্ৰভাৰী বৈজয়ন্ত জয় পাণ্ডাৰ লগতে কেন্দ্ৰীয় মন্ত্ৰী সৰ্বানন্দ সোণোৱাল, সাংসদ দিলীপ শইকীয়া, সাংসদ তপন গগৈ ৷ লগতে সাংগঠনিক সাধাৰণ সম্পাদক ফণীন্দ্ৰ নাথ শৰ্মা, মন্ত্ৰী নন্দিতা গাৰ্লোচাৰ উপৰি কেইবাগৰাকীও মন্ত্ৰী উপস্থিত থাকিব বুলি সংবাদমেলখনত বিজেপিৰ ৰাজ্যিক সমিতিখনে জানিবলৈ দিয়ে ।