Kalgachia bike accident: কলগাছিয়াত নিচাসক্ত যুৱকে সংঘটিত কৰিলে ভয়ংকৰ বাইক দুৰ্ঘটনা
জনিয়া, 7 মাৰ্চ :বৰপেটা জিলাৰ কলগাছিয়া আৰক্ষী থানাৰ অন্তৰ্গত দেউকুৰা বজাৰত সোমবাৰে নিশা সংগঠিত হয় ভয়ংকৰ পথ দুৰ্ঘটনা (Kalgachia bike accident) । নিশাৰ ভাগত দুই নিচাসক্ত যুৱকে বাইক লৈ গৈ থকা অৱস্থাতে সংঘটিত হয় এই দুৰ্ঘটনাটো ৷ ফলত গুৰুতৰ ভাৱে আহত হয় দুই বাইক আৰোহী । জানিব পৰা মতে দুয়োজনৰে অৱস্থা সংকটজনক । দুয়োকে বৰ্তমান বৰপেটা আসামৰিক চিকিৎসালয়ত ভৰ্তি কৰোৱা হৈছে ।
খৰিচালাৰ পৰা কলগাছিয়া অভিমুখে AS 15T 6986 নম্বৰৰ TVS আপাচি বাইকখনেৰে গৈ থকা অৱস্থাতেই বাইক আৰোহীয়ে নিয়ন্ত্ৰণ হেৰুৱাই পেলায় ৷ প্ৰত্যক্ষদৰ্শীয়ে জনোৱা মতে নিচাসক্ত অৱস্থাত আছিল বাইক আৰোহীজন ৷ নিচাসক্ত অৱস্থাত তীব্ৰবেগেৰে বাইক চলাই অহাৰ বাবেই নিয়ন্ত্ৰণ হেৰুৱাই দেউকুৰাত এই দুৰ্ঘটনা সংগঠিত হয় বুলি জানিব পৰা গৈছে (Kalgachia accident news) ।
এই দুৰ্ঘটনাটোত আহত লোক দুজন কলগাছিয়াৰ আমগুৰিৰ আৰু বালাৰপাথাৰৰ জেহেৰুল ইছলাম আৰু শাজাহান খান বুলি জানিব পৰা গৈছে । ঘটনাৰ পিছতেই ঘটনাস্থলীত কলগাছিয়া আৰক্ষী উপস্থিত হৈ দুয়োজন আৰোহীক বৰপেটা অসামৰিক চিকিৎসালয়ত ভৰ্তি কৰায় । স্থানীয় ৰাইজে মদ্যপান কৰা বাইক আৰোহীক নিয়ন্ত্ৰণ কৰিবলৈ আৰক্ষীক আহ্বান জনায় ।
লগতে পঢ়ক :Road accident at Nagaon: নগাঁৱত পথ দুৰ্ঘটনাত নিহত ৰে'ল কৰ্মচাৰী