Clash in Bongaigaon: ভনী জোঁৱায়েকৰ মুখত প্ৰচণ্ড ঘোচা - ভনী জোঁৱায়েকৰ মুখত প্ৰচণ্ড ঘোচা

বঙাইগাঁও,২৫ অক্টোবৰ:বঙাইগাঁও জিলাৰ ৪ নং বাশবাৰীত চাঞ্চল্যকৰ ঘটনা । কেমেৰাৰ সন্মুখতে প্ৰহাৰ ভনী জোঁৱায়েকক । মাৰপিটত গুৰুতৰভাৱে আহত জোঁৱাইয়েক হবিবৰ ৰহমান । ঘটনাৰ বিৱৰণী অনুসৰি বঙাইগাঁও জিলাৰ মানিকপুৰ আৰক্ষী থানাৰ অন্তৰ্গত ৪ নং বাশবাৰী গাঁৱৰ আব্দুল হালিমৰ কন্যা ১৫ বছৰ পূৰ্বে বিবাহ পাশত আবদ্ধ হৈছিল বালাৰচৰৰ হবিবৰ ৰহমানৰ লগত । তিনি সন্তানৰ পিতৃ-মাতৃ হোৱালৈ ইমান দিনে ঠিকেই আছিলে ।  

কিন্তু এমাহ পূৰ্বে হবিবৰ ৰহমানৰ লগত বিবাহ বিচ্ছেদ কৰি বেলেগৰ লগত পলায়ন কৰে মহিলাগৰাকীয়ে । কিন্তু তিনি সন্তান পিতৃৰ লগত থকাৰ কথা কয় যদিও হবিবৰৰ ওচৰলৈ নপথাই মহিলাগৰাকীয়ে । সন্তান নিজৰ ওচৰলৈ নিবলৈ আহিলে প্ৰাণে মৰাৰ ভাবুকি দিয়াৰ উপৰিও চৰকাৰী মাটিত থকা হবিবৰ ৰহমানৰ ঘৰ দুৱাৰ ভাঙি লণ্ড-ভণ্ড কৰাৰ অভিযোগ উত্থাপন হৈছে বাহাৰ আলী, আব্দুল হামিদ আৰু আব্দুল ৰশিদৰ বিৰুদ্ধে ।  

বুধবাৰে পুনৰ সন্তানক নিবলৈ আহোতে বাশবাৰীত উপস্থিত হৈ সকলো কথা সাংবাদিকৰ আগত ব্যক্ত কৰাৰ সময়তে বাহাৰ আলীয়ে কেমেৰাৰ সন্মুখতে মাৰপিট কৰি আৰু প্ৰাণে মৰাৰ ভাবুকি দিয়ে হাবিবৰ ৰহমানক । ইফালে ঘটনাস্থলীৰ পৰা সাংবাদিক গুচি অহাৰ পিছতেই পুনৰ প্ৰাণে মৰাৰ উদ্দেশ্যৰে লাঠি বাঁহেৰে আক্ৰমণ কৰে । কিন্তু সময়মতে গাওঁৰক্ষী বাহিনীৰ সম্পাদক আব্দুছ ছালাম উপস্থিত হোৱাত ৰক্ষা পৰে যদিও গুৰুতৰভাবে আহত হয় হবিবৰ ৰহমান । গাওঁৰক্ষী বাহিনীৰ সম্পাদকে হবিবৰক উদ্ধাৰ কৰি আৰক্ষীৰ হাতত অৰ্পণ কৰে ।  

লগতে পঢ়ক:Hit and Run: ভয়ংকৰ পথ দুৰ্ঘটনা, থিতাতে মৃত্যু বাইক আৰোহীৰ