CM Himanta Biswa Sarma in Jorhat: বিজেপিয়ে অমৃত কলহ কৰিব,বিৰোধীয়ে অন্ত:কলহ কৰিব:মুখ্যমন্ত্ৰী

যোৰহাট, ১৩ অক্টোবৰ:শুকুৰবাৰে আহোমৰ শেষ ৰাজধানী যোৰহাটৰ ৰাজবাৰীত উপস্থিত হৈ মুখ্যমন্ত্ৰী ড০ হিমন্ত বিশ্ব শৰ্মাই স্বৰ্গদেউ সকলৰ ৰাজহাউলী পৰিদৰ্শন কৰে । ৰাজহাউলী পৰিদৰ্শন কৰি মুখ্যমন্ত্ৰীগৰাকীয়ে ইয়াক সুন্দৰ আৰু আকৰ্ষণীয় ৰূপত গঢ়ি তুলি ৰাইজৰ বাবে মুকলি কৰি দিয়াৰ আশ্বাস প্ৰদান কৰে । উল্লেখ্য যে দুদিনীয়া যোৰহাট ভ্ৰমণ সূচীৰ সমাপ্তি ঘটাই যোৰহাটৰ পৰা ড০ হিমন্ত বিশ্ব শৰ্মাই পোনে পোনে তেজপুৰলৈ গৈ শিক্ষাৰ্থীসকলৰ মাজত চাইকেল বিতৰণ কাৰ্যসূচীত অংশগ্ৰহণ কৰিব ।  

আনহাতে, বিৰোধী ঐক্য মঞ্চক সমালোচনা কৰি মুখ্যমন্ত্ৰী ড০ হিমন্ত বিশ্ব শৰ্মাই কয়," ১২ দলীয়া,তিনিদলীয়া যি কৰে কৰি থাকক,কাৰণ আমি অমৃত কলহ কৰিম আৰু বিৰোধীয়ে অন্ত:কলহ কৰিব । আমি সদায় ভাল চিন্তা কৰিম,ৰাইজৰ হৃদয়ত সোমাই থাকিম । সদায় ভাল চিন্তাৰ সাধক হ'ম আৰু নেতিবাচক মনোভাৱসম্পন্ন আৰু বেয়া লোকসকল ১২ দলীয় মঞ্চই আকোঁৱালি ল'ব আৰু তাত থাকিব ।"  

লগতে পঢ়ক:Lok Sabha Elections 2024: ‘য’তেই খালী মাটি চকুত পৰিছে সেইখিনিকেই দখল কৰি লৈছে মুখ্যমন্ত্ৰীয়ে’- অপূৰ্ব কুমাৰ ভট্টাচাৰ্য