Congress MLA participated Amrit Kalah Yatra; অমৃত কলহ যাত্ৰত অংশ লোৱা কংগ্ৰেছী বিধায়কসকল যদি বিজেপিৰ এজেন্ট, তেনে তলা লগাওক ৰাজীৱ ভৱনত; মুখ্যমন্ত্ৰী - অমৃত কলহ যাত্ৰত কংগ্ৰেছৰ বিধায়কে অংশগ্ৰহণ

নিউজ ডেস্ক, 8 অক্টোবৰ : ‘‘অমৃত কলহ যাত্ৰত কংগ্ৰেছৰ বহু বিধায়কে অংশগ্ৰহণ কৰিছে ৷ কংগ্ৰেছৰ তিনিজন বিধায়কে নহয়, দহজনে অংশ গ্ৰহণ কৰিছে । ইমান যদি বিজেপিৰ এজেন্ট আছে, ৰাজীৱ ভৱন তলা মাৰি দিয়ক’’ । বিজেপিৰ অমৃত কলহ যাত্ৰাত অংশ লোৱা কংগ্ৰেছৰ বিধায়কে অংশ লোৱাক লৈ উত্থাপন হোৱা প্ৰশ্ন সন্দৰ্ভত এই মন্তব্য কৰে অসমৰ মুখ্যমন্ত্ৰী ড৹ হিমন্ত বিশ্ব শৰ্মাই ৷

আনকি মুখ্যমন্ত্ৰী ড৹ শৰ্মাই সংবাদ মাধ্যমৰ আগত কোন কোন কংগ্ৰেছী বিধায়কে অমৃত কলহ যাত্ৰাত অংশগ্ৰহণ কৰিছে, তেওঁলোকৰ নামো এফালৰ পৰা কৈ গ’ল ৷ মুখ্যমন্ত্ৰীগৰাকীয়ে উল্লেখ কৰা অনুসৰি অমৃত কলহ যাত্ৰাত অংশ লোৱা কংগ্ৰেছী বিধায়ককেইজন হ’ল- কাছাৰৰ খলিউদ্দিন মজুমদাৰ, দৰঙত বসন্ত দাস, ধুবুৰীত আব্দুল চৌভান আলী সৰকাৰ, গৌৰিপুৰৰ নিজানুৰ ৰহমান, কামৰূপত ৰেকিবুদ্দিন আহমেদ, কৰিমগঞ্জত কমলাক্ষ দে’ পুৰকায়স্থ, ছিদ্দিক আহমেদ, বকোৰ নন্দিতা দাস, শশীকান্ত দাস ৷

এওঁলোকৰ উপৰিও পশ্চিম শালমৰাৰ AIUDF ৰ বিধায়ক আমিনুৰ ইছলাম, মজিবুৰ ৰহমানেও অমৃত কলহ যাত্ৰাত অংশগ্ৰহণ কৰিছে বুলি সংবাদ মাধ্যমৰ আগত উল্লেখ মুখ্যমন্ত্ৰী ড৹ হিমন্ত বিশ্ব শৰ্মাই ৷

লগতে পঢ়ক :Assam CM on Amrit Kalash Yatra; কংগ্ৰেছে অমৃত কলহ যাত্ৰাক অপমান কৰাক লৈ মই দুখ পাইছো : মুখ্যমন্ত্ৰী