APSC CCE final result declared : আমগুৰিলৈ সুনাম কঢ়িয়ালে অংকিত শইকীয়াই - আমগুৰিলৈ সুনাম কঢ়িয়ালে অংকিত শইকীয়াই

অসম লোকসেৱা আয়োগৰ ২০২০ৰ ফলাফলত(APSC CCE Result 2020) উজ্বলিল আমগুৰিৰ অংকিত শইকীয়া ৷ লোকসেৱা আয়োগৰ ২০২০ বৰ্ষৰ সংযুক্ত প্ৰতিযোগিতামূলক পৰীক্ষাত শ্ৰম বিভাগত দ্বিতীয় স্থান লাভ কৰিছে অংকিতে (Ankit Saikia from Amguri cleared APSC) ৷ আমগুৰি ভূঞাগাঁও নিবাসী জিতেন শইকীয়া আৰু শিক্ষয়িত্ৰী ৰুমী শইকীয়াৰ জ্যেষ্ঠ পুত্ৰ অংকিত । শিৱসাগৰ জিলাৰ আমগুৰিৰ পৰা অসম লোক সেৱা আয়োগৰ পৰীক্ষাত উত্তীৰ্ণ হোৱা একমাত্ৰ প্ৰাৰ্থী অংকিত শইকীয়াৰ বাসগৃহত আনন্দমুখৰ পৰিৱেশ । বিগত এটা বছৰ কেৱল অধ্যয়নত গুৰুত্ব দি অসম লোক সেৱা আয়োগৰ পৰীক্ষাত উত্তীৰ্ণ হোৱা অংকিতে অনলাইন কোচিং গ্ৰহণ কৰিছিল । বিভিন্ন বাদ্যযন্ত্ৰ বজোৱাত পাকৈত অংকিতে এসময়ত দিছিল পাও ভাজিৰ দোকান ।