Upcoming Sivsagar BJP pregame : ১৮ জুনত আয়োজিত গণ সমাৱেশৰ বাবে সাজু হৈছে শিৱসাগৰ বিজেপি - লোকসভা নিৰ্বাচন ২০২৪
আমগুৰি, ১৭ জুন :লোকসভা নিৰ্বাচন ২০২৪ ৰ বাবে কুচকাৱাজ আৰম্ভ কৰিছে শাসকীয় দল ভাৰতীয় জনতা পাৰ্টীয়ে । ইতিমধ্যেই জনতাৰ কাষ চাপিবলৈ সমগ্ৰ দেশ জুৰি মহাসম্পৰ্ক অভিযান নামেৰে এলানি কাৰ্যসূচী হাতত লৈছে । তাৰেই অংশ স্বৰূপে যোৰহাট লোকসভা সমষ্টিৰ অন্তৰ্গত ১০ টা বিধানসভা সমষ্টিৰ ৰাইজক উদ্দেশি এক বিশাল গণসমাৱেশৰ আয়োজন কৰিছে শিৱসাগৰ জকাইচুকৰ দুৰ্লভ গগৈ উচ্চতৰ মাধ্যমিক বিদ্যালয় খেলপথাৰত । এই কথা সদৰী কৰিছে সাংসদ তপন কুমাৰ গগৈয়ে ৷
আগন্তুক ১৮ জুনত বিজেপিৰ ৰাষ্ট্ৰীয় সভাপতি জে পি নাড্ডা, ৰাজ্যৰ মুখ্যমন্ত্ৰী হিমন্ত বিশ্ব শৰ্মা, ৰাজ্যিক সভাপতি ভৱেশ কলিতাকে ধৰি দলটোৰ শীৰ্ষ পৰ্যায়ৰ নেতৃত্বই অংশগ্ৰহণ কৰিব ৷ লগতে ৩৫ হাজাৰৰো অধিক জনতাক সম্বোধন কৰিব লগা এই সভাতে প্ৰধানমন্ত্ৰী নৰেন্দ্ৰ মোদীৰ নেতৃত্বত কেন্দ্ৰীয় চৰকাৰে বিগত নটাকৈ বছৰে জনহিতৈষী আঁচনিৰ সম্পৰ্কে পৰ্যালোচনা আগবঢ়াব ৷ সেই হেতুকে সাজু কৰি তোলা হৈছে বিশাল মণ্ডপ ।
লগতে পঢ়ক :Flood at Kampur : কপিলীৰ বাঢ়নী পানীয়ে ছিগিলে প্ৰেমজান মথাউৰি