Crime in Nagaon: নগাঁৱৰ বটদ্ৰৱাত কিশোৰী ধৰ্ষণৰ অভিযোগ
নগাঁও, ১২ আগষ্ট:নগাঁৱৰ বটদ্ৰৱাত পুনৰ সংঘটিত হৈছে কিশোৰী ধৰ্ষণৰ ঘটনা । বটদ্ৰৱাৰ শান্তিজান পাৰত সংঘটিত হৈছে এই জঘন্য বলৎকাৰৰ ঘটনাটো ৷ বটদ্ৰৱা শান্তিজান পাৰৰ সপ্তম শ্ৰেণীৰ এগৰাকী ছাত্ৰীক একে গাঁৱৰে এটা লম্পটে ঘৰত কোনো নথকাৰ সুযোগ গ্ৰহণ কৰি ধৰ্ষণ কৰাৰ গুৰুতৰ অভিযোগ উঠিছে ৷
একে গাঁৱৰে এজন যুৱকৰ বিৰুদ্ধে উত্থাপন হৈছে কিশোৰীগৰাকীক ধৰ্ষণ কৰাৰ অভিযোগ । এই ঘটনাটোক কেন্দ্ৰ কৰি বৰ্তমানে অঞ্চলটোতে চাঞ্চল্য অব্যাহত আছে ৷ কেৱল এয়াই নহয় এই জঘন্য ঘটনাৰ বিষয়ে ঘৰত নজনাবলৈ ছাত্ৰীগৰাকীক অভিযুক্তই ভাবুকি দিয়াৰো গুৰুতৰ অভিযোগ উত্থাপন হৈছে । ছাত্ৰীগৰাকীয়ে লম্পটৰ ভাবুকিত শংকিত হৈ ঘৰত ঘটনাৰ বিষয়ে অৱগত কৰা নাছিল যদিও নিশা ছাত্ৰীগৰাকীৰ অধিক ৰক্তক্ষৰণ হোৱাত অসুস্থ হৈ পৰে ।
ইয়াৰ পিচতেই পোহৰলৈ আহে সমগ্ৰ ঘটনাটো । শুকুৰবাৰে এই ঘটনাক লৈ ৰাইজমেল অনুষ্ঠিত হয় যদিও শনিবাৰে ছাত্ৰীগৰাকীৰ স্বাস্থ্যৰ অৱস্থাৰ অধিক অৱনতি হোৱাত পৰিয়ালৰ লোকে এই সমগ্ৰ ঘটনা সন্দৰ্ভত বটদ্ৰৱা থানাত এক এজাহাৰ দাখিল কৰে । কিন্তু বটদ্ৰৱা আৰক্ষীয়ে বৰ্তমানলৈকে অভিযুক্তক আটক কৰিবলৈ সক্ষম হোৱা নাই ৷
লগতে পঢ়ক:Pradip Hazarika resigns from AGP: বিধায়ক প্ৰদীপ হাজৰিকাসহ আমগুৰি বিধান পৰিষদৰ সমূহীয়া দলত্যাগ