Obscene messages to Student: নিশা ছাত্ৰীলৈ অশ্লীল মেছেজ দিয়াৰ অভিযোগ অংক ছাৰৰ বিৰুদ্ধে

গুৱাহাটী, 13 ছেপ্তেম্বৰ : পুনৰ এজন শিক্ষকৰ বিৰুদ্ধে গুৰুতৰ অভিযোগ ৷ গণিত বিভাগৰ শিক্ষকে ছাত্ৰীক দিলে অশ্লীল মেছেজ ৷ কেৱল মেছেজেই নহয় নিশা 12 বজাৰ লগে লগে ছাত্ৰীক ফোন কৰি অশ্লীল ইংগিত দিয়াৰ অভিযোগ উঠিছে গণিত ছাৰৰ বিৰুদ্ধে  ৷  মহানগৰীৰ বেলতলা বনগাঁওস্থিত ৰিজেণ্টছ একাডেমী অফ নৰ্থ ইষ্টৰ কলেজৰ গণিত বিভাগৰ অধ্যাপকৰ বিৰুদ্ধে এই অভিযোগ ৷  

অসহায় ছাত্ৰী গৰাকীয়ে সহায় বিচাৰি কাষ চাপে এটা বেচৰকাৰী সংগঠন ৰুদ্ৰ সেনাৰ ৷ মঙলবাৰে ৰুদ্ৰ সেনাই সমগ্ৰ ঘটনা পোহৰলৈ আনি জবাবদিহি কৰে কলেজ কৰ্তৃপক্ষক ৷ ৰুদ্ৰ সেনাৰ কৰ্মীয়ে এই সন্দৰ্ভত কয়, ‘‘ছাত্ৰীগৰাকীৰ ওপৰতহে সন্দেহৰ প্ৰশ্ন তুলিছিল কলেজ কৰ্তৃপক্ষই ৷ কিন্তু আমি তদন্ত কৰি গম পালোঁ যে, শিক্ষকজনে এয়াই প্ৰথম নহয় ৷ পূৰ্বেও এনে বহু ঘটনা কৰিছে শিক্ষকজনে ৷ কিন্তু ছাত্ৰীগৰাকীৰ অভিভাৱকে আমাক আৰক্ষীৰ কাষ চাপিবলৈ অনুমতি নিদিলে ৷’’

লগতে পঢ়ক :Assam Cabinet: বড়ো অধ্যুষিত ৪১খন গাঁও অন্তৰ্ভুক্ত কৰা হ'ব বিটিআৰত; ৰাজ্যিক কেবিনেটৰ সিদ্ধান্ত