Basketball Championship in Hojai : গোলাঘাটক পৰাস্ত কৰি এন এফ ৰেলৱেৰ খিতাপ দখল - SP OF HOJAI
Published : Nov 12, 2023, 2:15 PM IST
হোজাই, 12 নৱেম্বৰ: হোজাইত 7 নৱেম্বৰৰ পৰা অনুষ্ঠিত হোৱা সদৌ অসম আন্তঃজিলা ছিনিয়ৰ পুৰুষ বাস্কেটবল চেম্পিয়নশ্বিপৰ শনিবাৰে সামৰণি পৰে ৷ চূড়ান্ত খেলখনত গোলাঘাট দলক এন এফ ৰেলৱে দলে 37 পইণ্টেৰে পৰাস্ত কৰি চেম্পিয়নশ্বিপ ট্ৰফী লাভ কৰে । উল্লেখযোগ্য যে, অসম বাস্কেটবল সন্থাৰ তত্বাৱধানত আৰু হোজাই জিলা বাস্কেটবল সন্থাৰ সহযোগত হোজাইৰ নেতাজী সুভাষ ইন্দোৰ ষ্টেডিয়ামত সদৌ অসম আন্তঃজিলা জ্যেষ্ঠ পুৰুষ বাস্কেটবল চেম্পিয়নশ্বিপখন আয়োজন কৰা হৈছিল ।
প্ৰতিযোগিতাখনত ৰাজ্যৰ 24 খন জিলাৰ দলে অংশগ্ৰহণ কৰিছিল । সামৰণি তথা বঁটা বিতৰণ অনুষ্ঠানত মুখ্য অতিথি হিচাপে অসম বাস্কেটবল সন্থাৰ সভাপতি তেজপুৰ সমষ্টিৰ সাংসদ পল্লৱলোচন দাস, হোজাই আৰু লামডিং সমষ্টিৰ বিধায়ক ক্ৰমে ৰামকৃষ্ণ ঘোষ, শিবু মিশ্ৰ, হোজাই জিলাৰ আয়ুক্ত লাচিত কুমাৰ দাস, হোজাই জিলা বাস্কেটবল সন্থাৰ মুখ্য উপদেষ্টা তথা হোজাই আৰক্ষী অধীক্ষক সৌৰভ গুপ্তাৰ উপৰিও হোজাই জিলা বাস্কেটবল এছ'চিয়েচনৰ সদস্যসকল আৰু হোজাই জিলা প্ৰশাসনৰ লোকসকল উপস্থিত থাকে ।
লগতে পঢ়ক: Jorhat ATM Loot : যোৰহাটত এ টি এম লুটপাত কৰি জ্বলাই দিলে দুৰ্বৃত্তই