বৰপেটা লোকসভা সমষ্টিত প্ৰতিদ্বন্দিতা আগবঢ়োৱাৰ মন অগপৰ

নলবাৰী, ৩ জানুৱাৰী : নলবাৰীৰ মুকালমুৱাত লোকসভা নিৰ্বাচনৰ তৎপৰতা অসম গণ পৰিষদ দলৰ । অসম গণ পৰিষদ দলৰ জ্যেষ্ঠ বিধায়ক ফণীভূষণ চৌধুৰীৰ নিৰ্বাচনী তৎপৰতা । নৱগঠিত বৰপেটা লোকসভা সমষ্টিত অন্তৰ্ভুক্ত হোৱা বৰক্ষেত্ৰী সমষ্টিত আগন্তুক লোকসভা নিৰ্বাচনৰ কুচকাৱাজ অগপ দলৰ ।

আগন্তুক লোকসভা নিৰ্বাচনত বৰপেটা লোকসভা সমষ্টি দাবী কৰিছে অসম গণ পৰিষদ দলে আৰু বৰপেটা লোকসভা সমষ্টিটো অগপ দলক দিব বুলি আশবাদী বিধায়ক ফণীভূষণ চৌধুৰী ।

লোকসভা নিৰ্বাচনৰ প্ৰতি লক্ষ্য ৰাখি অঞ্চলটোৰ দলীয় কৰ্মীসকলৰ লগত মত-বিনিময় কৰে বিধায়ক ফণীভূষণ চৌধুৰীয়ে । নলবাৰী জিলাত অগপ দলৰ সাংগঠনিক দিশ শক্তিশালী কৰাৰ প্ৰতি লক্ষ্য ৰাখি অহা ৮ জানুৱাৰীত নলবাৰীত অগপ দলৰ বুথ সন্মিলনীৰ আয়োজন কৰা হৈছে । আনহাতে বিধায়কগৰাকী নিজে আগন্তুক লোকসভা নিৰ্বাচনত অৱতীৰ্ণ নহয় বুলি জানিবলৈ দিয়ে ।

লগতে পঢ়ক:কা বলৱৎ কৰি লোকসভা নিৰ্বাচনৰ ৰণক্ষেত্ৰত নামিব গেৰুৱা দল !