দোষ আছিল প্ৰেম কৰা, ১৫ দিন ধৰি পৰিয়ালৰ অকথ্য নিৰ্যাতন সহিলে এগৰাকী কিশোৰীয়ে - Harassment crime in Nagaon

চামগুৰি,২৫ নৱেম্বৰ : নগাঁও জিলাৰ ৰূপহীহাটৰ ফাকলি গাঁৱৰ বিলপাৰত প্ৰেমৰ বাবেই সংঘটিত হৈছে এক অমানৱীয় কাণ্ড । এজন যুৱকৰ সৈতে প্ৰেমত আৱদ্ধ হোৱা বাবে নিৰ্যাতনৰ বলি হ'ল এগৰাকী কিশোৰী । কিশোৰীগৰাকীৰ ভৰিত শিকলিৰে বান্ধি নিৰ্যাতন চলালে পৰিয়ালৰ লোকে । কিশোৰীগৰাকীৰ ককাদেউতাকে বিগত প্ৰায় ১৫ দিন ধৰি ভৰিত শিকলিৰে বান্ধি ৰাখিছিল কিশোৰীগৰাকীক ।   

এক গোপন খবৰৰ ভিত্তিত ৰূপহীহাট থানাৰ আৰক্ষী ফাকলি গাঁৱৰ বিলপাৰত কিশোৰীগৰাকীৰ ঘৰত উপস্থিত হৈ কিশোৰীগৰাকীক ভৰিত শিকলিৰে বান্ধি ৰখা অৱস্থাত উদ্ধাৰ কৰে । ইতিমধ্যে কিশোৰীগৰাকীৰ ককাদেউতাক আৰক্ষীয়ে আটক কৰি থানালৈ আনি তদন্ত আৰম্ভ কৰিছে । কিশোৰীগৰাকীয়েও যুৱকজনৰ সৈতে প্ৰেমৰ সম্পৰ্ক থকাৰ কথা স্বীকাৰ কৰিছে ।

লগতে পঢ়ক:মাটিৰ নামজাৰিৰ নথিৰ নামত বিভিন্ন আসোঁৱাহযুক্ত তথ্য পূৰ্বৰে পৰা লাভ কৰিছিল জিলা প্ৰশাসনে