Youth missing news : পাচিঘাটলৈ গৈ 18 আগষ্টৰ পৰা সন্ধানহীন জোনাইৰ ৰাজা

জোনাই, 6 অক্টোবৰ :জোনাই উজনি বিজয়পুৰৰ এজন যুৱক নিৰুদ্দেশ হোৱাৰ বাতৰি পোহৰলৈ আহিছে । কৰ্মৰ সন্ধানত অৰুণাচল প্ৰদেশৰ পাচিঘাটলৈ যোৱাৰ পাচতে সন্ধানহীন হৈ আছে যুৱকজন । নিৰুদ্দেশ হোৱা যুৱকজন জোনাইৰ উজনি বিজয়পুৰৰ নিবাসী শান্তিৰাম পাংগিঙৰ পুত্ৰ লক্ষীৰাম পাংগিং ওৰফে ৰাজা (28) বুলি জানিব পৰা গৈছে ৷

পৰিয়ালৰ লোকে উল্লেখ কৰা অনুসৰি, যোৱা 18 আগষ্টৰ দিনা পুৱা ঘৰৰ পৰা কামৰ সন্ধানত অৰুণাচল প্ৰদেশৰ পাচিঘাটলৈ বুলি ওলাই গৈছিল ৷ উক্ত দিনা বিয়লি যুৱকজনৰ এজন বন্ধুৱে ৰাজা নিৰুদ্দেশ হোৱা বুলি পৰিয়ালৰ লোকক খবৰ দিয়ে ৷ এই বাতৰি লাভ কৰি শোকত ভাগি পৰে পৰিয়ালটো ৷ তাৰ পাচতে ৰাজা নিৰুদ্দেশ হোৱাৰ সন্দৰ্ভত তেওঁৰ পিতৃ শান্তিৰাম পাংগিঙে পাচিঘাট আৰক্ষী থানাত দাখিল কৰে এক এজাহাৰ ৷

ইফালে বাতৰি যুগুত কৰা পৰলৈকে পৰিয়ালৰ লোকে লাভ কৰা নাই ৰাজাৰ কোনো খবৰ ৷ যদিহে কোনো লোকে নিৰুদ্দেশ হৈ থকা ৰাজাৰ খবৰ লাভ কৰে তেন্তে 8732079827 অথবা 7005536687 নম্বৰত যোগাযোগ কৰিবলৈ আহ্বান জনাইছে পৰিয়ালৰ লোকে ৷

লগতে পঢ়ক :Youth missing news: নাৰায়ণপুৰৰ জামুগুৰিৰ পৰা নিৰুদ্দেশ ১৯ বছৰীয়া দিপিকান্ত মিলি