গোলাঘাটত দেহ ব্যৱসায়ৰ ঘাটি উচ্ছেদ গ্ৰাহকসহ ৮ জনক আটক

গোলাঘাট, ১৭ ডিচেম্বৰ : গোলাঘাট জিলাত সক্ৰিয় হৈছে দেহ ব্যৱসায় চক্ৰ ৷ গোলাঘাট আৰক্ষীয়ে দেহ ব্য়ৱসায়ীৰ ঘাটিত অভিযান চলাই বিশেষ এটা ঘৰৰ পৰা চাৰিজন যুৱকৰ লগতে চাৰিগৰাকী যুৱতীক আটক কৰিবলৈ সক্ষম হয় ৷ 

স্থানীয় লোকৰ মতে দীৰ্ঘদিনৰ পৰাই গোলাঘাট জিলাৰ জোনাকীনগৰৰ বিশেষ ঘৰটোত দেহ ব্যৱসায় চলি আহিছিল । তাৰ পিচতে দেওবাৰে গোলাঘাট আৰক্ষীয়ে অভিযান চলাই হাতে লোটে ধৰা পেলাবলৈ সক্ষম হয় গ্ৰাহক সহ দেহ ব্যৱসায়ী চক্ৰটোত ৷ ধৃত যুৱককেইজন হৈছে চিৰাজুল ইছলাম, চফিকুল ইছলাম, আৰবাছ আলি আৰু ৰুবুল আলী ৷

উল্লেখ্য যে, অনাগত সময়ত গোলাঘাট নগৰৰ আশে পাশে থকা বিভিন্ন অঞ্চলত এইধৰণৰ দেহ ব্যৱসায়ী চক্ৰৰ অবৈধ ঘাটিৰ বিৰুদ্ধে আৰক্ষীয়ে অভিযান তীব্ৰতৰ কৰিব বুলি আৰক্ষীয়ে জানিবলৈ দিয়ে ৷ স্থানীয় ৰাইজ আৰু আৰক্ষীয়ে মাজে মাজে এনেধৰণৰ দেহ ব্যৱসায়ীৰ বিৰুদ্ধে অভিযান চলায় যদিও পুনৰ ন ন অঞ্চলত গঢ় লৈ উঠে এনে দেহ ব্যৱসায়ীৰ ঘাটি (Sex racket in Golaghat) ।

লগতে পঢ়ক:মহানগৰীৰ লাল গণেশত বিধ্বংসী অগ্নিকাণ্ড, নিমিষতে ছাঁই হ’ল বহু সম্পত্তি