হাউলীৰ খন্দকাৰপাৰাত জুৱাৰ ঘাটি উৎখাত: ৬ জুৱাৰী আটক - 6 gambler arrested at Howly

অবৈধ জুৱাৰ বিৰুদ্ধে অসম আৰক্ষীৰ অভিযান অব্যাহত আছে (Assam police raid against gambler)। ৰাজ্যৰ ভিন্ন প্ৰান্তত গঢ়ি উঠা জুৱাৰ ঘাটি উৎখাত কৰাৰ উদ্দেশ্যে আৰক্ষীয়ে চলাই গৈছে অভিযান । বৰপেটা জিলাতো জুৱাৰ বিৰুদ্ধে অসম আৰক্ষীয়ে অভিযান তীব্ৰতৰ কৰি তুলিছে (Operation against Gambling at Barpeta)। জিলাখনৰ হাউলীত এইবাৰ আৰক্ষীৰ বৃহৎ অভিযান । হাউলীৰ খন্দকাৰপাৰাত জুৱাৰ ঘাটিত আৰক্ষীয়ে অভিযান চলাই ৬ টাকৈ জুৱাৰীক আটক কৰিবলৈ সক্ষম হয় (Gambler Arrested at Howly)। আটকাধীন জুৱাৰীকেইটা ক্ৰমে হাউলীৰ হাজীপাৰাৰ হানিফ আলী, জিয়াৰুল তালুকদাৰ, আব্দুল ৰেজ্জাক, খন্দকাৰপাৰৰ আব্দুল ৰহমান আলী, চামচুল হ'ক আৰু আব্দুল ৰহমান । অভিযোগ অনুসৰি এটা চক্ৰই খন্দকাৰপাৰাত দৈনিক লক্ষাধিক টকাৰ জুৱা খেল পাতি সামাজিক পৰিৱেশ বিনষ্ট কৰি আহিছে । এই অভিযোগৰ ভিত্তিতে হাউলী থানাৰ ভাৰপ্ৰাপ্ত বিষয়া গোপাল বৰাৰ নেতৃত্বত আৰক্ষীৰ এটা দলে নিশা অভিযান চলাই জুৱাৰী কেইটাক আটক কৰে । জুৱাৰী কেইটাৰ পৰা আৰক্ষীয়ে প্ৰায় ১৩ হাজাৰ টকা, ৬ টা মোবাইলসহ কিছু খেলৰ সামগ্ৰী জব্দ কৰে ।