Land clash: ভূমিকেন্দ্ৰিক সংঘাতৰ ভয়ংকৰ পৰিণতি, মহিলাসহ 4 গৰাকী নিহত - মঙলদৈ অসামৰিক চিকিৎসালয়

দলগাঁও, 24 অক্টোবৰ :বিজয়া দশমীৰ দিনাই দৰঙৰ খাৰুপেটীয়াত ভয়ংকৰ ঘটনা ৷  ভূমিকেন্দ্ৰিক সংঘাতৰ পৰিণতিত মহিলাসহ 4 গৰাকীৰ মৃত্যু হয় । মঙলবাৰে পুৱাই  দুটা ফৈদৰ মাজত হোৱা আক্ৰমণ প্ৰত্যাক্ৰমত থিতাতে মৃত্যু হয় দুজনকৈ লোকৰ । ইয়াৰে এগৰাকী মহিলাৰ লগতে আনগৰাকী পুৰুষ । শেহতীয়া তথ্য অনুসৰি ইয়াৰোপৰি অন্য দুজন লোকৰ চিকিৎসালয়ত মৃত্যু হোৱা বুলি জানিব পৰা গৈছে ৷

ঘটনাৰ বিৱৰণী অনুসৰি, খাৰুপেটীয়াৰ জনতা নগৰৰ 7 নং ৱাৰ্ডত থকা এডোখৰ ভূমিক লৈ ধূলা আৰক্ষী থানাৰ অন্তৰ্গত বলোগড়া গাঁৱৰ জাহাৰ আলী ওৰফে ঘাইৰী আৰু খাৰুপেটীয়া আৰক্ষী থানাৰ অন্তৰ্গত মোৱামাৰী গাঁৱৰ আতাপ আলী মুন্সীৰ মাজত দীৰ্ঘদিন ধৰি সংঘাত চলি আহিছিল ৷ এই সংঘাতৰ ফলস্বৰূপে মঙলবাৰে পুৱাই দুই পক্ষৰ মাজত ভয়ংকৰ মাৰপিটৰ ঘটনা সংঘটিত হয় । 

এই আক্ৰমণ প্ৰত্যাক্ৰমত জাহাৰ আলী ওৰফে ঘাইৰীৰ সৈতে এগৰাকী মহিলা ঘটনাস্থলীত মৃত্যু হয় । গুৰুতৰভাৱে হয় কেইবাজনো । ঘটনাস্থলীত খাৰুপেটীয়া আৰক্ষী উপস্থিত হৈ আহতসকলক চিকিৎসালয় লৈ প্ৰেৰণ কৰাৰ লগতে মৃতদেহ দুয়োটা মৰণোত্তৰ পৰীক্ষাৰ বাবে মঙলদৈ অসামৰিক চিকিৎসালয়লৈ প্ৰেৰণ কৰে । ইফালে শেহতীয়া তথ্য অনুসৰি সম্প্ৰতি গুৰুতৰভাৱে আহত লোকসকলৰ দুজনৰ চিকিৎসালয়তে মৃত্যু হয় ৷

লগতে পঢ়ক:Bangladesh train collision: বাংলাদেশত দুৰ্ঘটনাগ্ৰস্ত এগাৰোসিন্ধু গোধূলি এক্সপ্ৰেছ; অতিকমেও 15 জনৰ মৃত্যু