3 youths drowned to death: জলপ্ৰপাতত গা ধুবলৈ গৈ তিনি যুৱকৰ মৃত্যু - হদহদী জলপ্ৰপাত
চামগুৰি, 15 আগষ্ট : আজি দেশজুৰি স্বাধীনতা দিৱস উলহে মালহে উদযাপন কৰি থকাৰ সময়তে ৰাজ্যৰ কেইবাটাও প্ৰান্তত কেইবাটাও শোকাৱহ ঘটনা সংঘটিত হৈছে ৷ কোনো কোনো ঠাইত যদি হত্যাকাণ্ড, তেনেহ’লে কোনো ঠাইত শোকাৱহ অঘটন সংঘটিত হৈছে ৷
ইয়াৰ মাজতে মঙলবাৰে নগাঁও চাপানালাৰ লুং চুং চাহ বাগিচাত অৱস্থিত হদহদী জলপ্ৰপাতত তিনিজন যুৱকৰ মৃতদেহ উদ্ধাৰ কৰা হৈছে । মৃত যুৱককেইজন নগাওঁ জিলাৰ তেলিয়াপট্টীৰ বুলি জানিব পৰা গৈছে ৷ ঘটনাস্থলীত চামগুৰি SDRF বাহিনী আৰু চামগুৰি আৰক্ষী উপস্থিত হৈ মৃতদেহ কেইটা উদ্ধাৰ কৰিবলৈ সক্ষম হয় ৷ মৃত যুৱক তিনিজন যুৱক দীনেশ শ্বাহ, নিতীন ৰজক আৰু চাদ্দাম বুলি জানিব পৰা গৈছে।
জানিব পৰামতে যুৱক তিনিজনে এদল বন্ধুৰ সৈতে জলপ্ৰপাতটোলৈ গা ধুবলৈ আহিছিল ৷ স্থানীয় লোকে যুৱকৰ দলটোক বাৰে বাৰে পানীত নামিবলৈ বাধা দিয়াৰ স্বত্বেও যুৱকৰ দলটেোৱে গা ধুবলৈ পানীত নামিছিল ৷ তাৰ পিচতে জলপ্ৰপাতটোত গা ধুই থকাৰ সময়তে পানীত বুৰ গৈ মৃত্যুক আঁকোৱালি লয় তিনিও যুৱকে ৷
মন কৰিবলগীয়া যে, এই ঠাইত পূৰ্বেও অনুৰূপ এক দুৰ্ঘটনাত পাঁচজন যুৱকে মৃত্যুবৰণ কৰিবলগীয়া হৈছিল ৷
লগতে পঢ়ক:Gutkha shop sealed: বৰপেটাৰোডত গুটখাৰ দোকান ছীল এছ টি এফৰ