তীব্ৰবেগী ৰে’লৰ খুন্দাত মাতৃ-কন্যাসহ 3 গৰাকী নিহত

বঙাইগাঁও, 14 ডিচেম্বৰ :বঙাইগাঁও জিলাৰ নোৱাপাৰাত ভয়ংকৰ দুৰ্ঘটনা সংঘটিত হয় ৷ তীব্ৰবেগী ৰে’লৰ খুন্দাত ৩ গৰাকী মহিলাৰ মৃত্যু হয় ৷ বঙাইগাঁও জিলাৰ বঙাইগাঁও-চাপ্ৰাকাটা ৰে’লৱে ষ্টেচনৰ মধ্যস্থল ২ নং নোৱাপাৰাত এই শোকাৱহ দুৰ্ঘটনা সংঘটিত হয় ৷ বুধবাৰে নিশাৰ ভাগত তীব্ৰবেগী ৰে’লৰ খুন্দাত মাতৃ, কন্যাৰ লগতে আন এগৰাকী মহিলাৰ মৃত্যু হয় । নামনিমুৱা বেংগালুৰু এক্সপ্ৰেছৰ খুন্দাত মৃত্যু হয় তিনিগৰাকীৰ ৷

মৃতকেইগৰাকী হৈছে কল্পনা বৰ্মন, তেওঁৰ 11 বছৰীয়া কন্যা প্ৰিয়া বৰ্মন আৰু মুন্না ৷ এই ঘটনাটো কেনেকৈ সংঘটিত হ’ল সেয়া অদ্যপি জানিব পৰা হোৱা নাই । ইতিমধ্যে ঘটনাস্থলীত ৰে’ল আৰক্ষী আৰু বঙাইগাঁও সদৰ থানাৰ আৰক্ষী উপস্থিত হৈ মৃতদেহকেইটা উদ্ধাৰ কৰিছে ৷ আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ৷ এই ঘটনাই অঞ্চলটোত শোকৰ ছাঁ পেলাইছে ৷

লগতে পঢ়ক:শোৱাপাটীতে যুৱকক চোকা অস্ত্ৰৰে হানি খুচি হত্যা