Boy drowned in river
Boy drowned in river: শিংৰা নৈত মাছ ধৰিবলৈ গৈ সন্ধানহীন যুৱক - Singra River in Boko
বকো,19 জুন : বকোৰ শিংৰা নৈত সন্ধানহীন এজন যুৱক । শিংৰা নৈত মাছ ধৰিবলৈ গৈ সন্ধানহীন হ’ল যুৱকজন । বাঢ়নী পানীয়ে উটুৱাই নিয়াৰ সন্দেহ কৰা হৈছে যুৱকজনক ৷ সন্ধানহীন যুৱকজন বকো হাহিমৰ মনোজ ৰাভা বুলি জানিব পৰা গৈছে । ইফালে ঘটনাস্থলীত বকো আৰক্ষী আৰু SDRFৰ লোক উপস্থিত হয় ।
সন্ধানহীন যুৱকজনৰ পৰিয়ালৰ লোকে জনোৱা মতে -‘দেওবাৰে নিশা ঘৰৰ পৰা শিংৰা গাঁৱত থকা বন্ধুৰ ঘৰলৈ আহিছিল মাছ মাৰিবলৈ । সোমবাৰে পুৱা প্ৰায় ৫ মান বজাত বন্ধুৰ ঘৰৰ পৰা শিংৰা নৈত মাছ মাৰিবলৈ গৈছিল সি ।’ ইফালে সোমবাৰে দিনৰ প্ৰায় 10 মান বজাত যুৱকজন সন্ধানহীন হোৱাৰ খবৰ লাভ কৰে পৰিয়ালৰ লোকে । তাৰ পাচতেই স্থানীয় ৰাইজে সন্ধানহীন যুৱকজনৰ সন্ধান বিচাৰি আৰম্ভ কৰিছিল অভিযান ৷ ইতিমধ্যে SDRF ৰ ডুবাৰুৱে শিংৰা নৈত চলাইছে অভিযান ।