Cough syrup seized: বশিষ্ঠ আৰক্ষীৰ অভিযানত ১৯ কাৰ্টন কফ চিৰাপ জব্দ

গুৱাহাটী,৩০ ছেপ্টেম্বৰ:মহানগৰীৰ দক্ষিণগাঁৱত জব্দ বুজন পৰিমাণৰ কফ চিৰাপ । বশিষ্ঠ আৰক্ষীৰ অভিযানত জব্দ নিচাযুক্ত কফ চিৰাপখিনি । অভিযান কালত ১৯ টা কাৰ্টনত মুঠ ২২৫৬ বটল কফ চিৰাপৰ লগতে এখন ট্ৰাক জব্দ কৰে আৰক্ষীয়ে । জব্দ কৰা ট্ৰাকখনৰ নম্বৰ AS 01 DD 7799 । বশিষ্ঠ আৰক্ষীৰ এটা তহলদাৰী গোটে শুকুৰবাৰে লখৰা NEF কলেজৰ সমীপৰ দক্ষিনগাঁৱত কৰ্তব্য পালন কৰি থকাৰ সময়তে কিছুমান ব্যক্তিয়ে ফাৰ্মাচীৰ পৰা AS01DD7799 নম্বৰৰ ট্ৰাক এখনত সৰু সৰু কাৰ্টন ভৰাই থকা দেখিছিল ।  

যেতিয়া তহলদাৰী দলটো ট্ৰাকখনৰ ওচৰ পোৱাত ট্ৰাকখনৰ চালক আৰু ফাৰ্মাচীৰ মালিক মহিদুল ইছলামে সেই স্থানৰ পৰা পলায়ন কৰে যদিও মহম্মদ হাফিজুদ্দিন নামৰ এটা সৰবৰাহকাৰীক কৰায়ত্ত কৰে আৰক্ষীৰ দলটোৱে । উল্লেখ্য যে দক্ষিণগাঁৱৰ এখন ফাৰ্মাচীত নীতি বহিৰ্ভূতভাৱে যোগান ধৰিবলৈ আহোঁতে আৰক্ষীয়ে জব্দ কৰে নিচাযুক্ত কফ চিৰাপখিনি ।

লগতে পঢ়ক:Drugs Seized: ড্ৰাগছ সৰবৰাহৰ কৰিড’ৰত পৰিণত কাৰ্বি পাহাৰ; পুনৰ জব্দ 3 কোটি টকাৰ হেৰ’ইন