Minor girl commits suicide: ১২ বছৰীয়া ছাত্ৰীৰ আত্মহননে জোকাৰিছে কলিয়াবৰ - ১২ বছৰীয়া ছাত্ৰীৰ আত্মহননে জোকাৰিছে কলিয়াবৰ

কলিয়াবৰ,১০ মে': কলিয়াবৰত চাঞ্চল্যকৰ ঘটনা । এগৰাকী ১২ বছৰীয়া শিশুৰ আত্মহত্যাৰ ঘটনাই সৃষ্টি কৰিছে চাঞ্চল্যৰ(12-year-old student commits suicide in Kaliabor) । ঘৰৰ ভিতৰতে চিপজৰী লোৱা অৱস্থাত উদ্ধাৰ হয় ষষ্ঠ শ্ৰেণীত অধ্যয়নৰত ছাত্ৰীগৰাকী(Minor girl commits suicide by hanging) । মঙলবাৰে বিয়লি বিদ্যালয়ৰ পৰা উভতি অহাৰ পিছতে সংঘটিত হয় এই অঘটনটো । বিগত প্ৰায় ১৫ দিনে বিদ্যালয়লৈ যোৱাৰ পৰা বিৰত আছিল ছাত্ৰীগৰাকী ।  

মঙলবাৰে বিদ্যালয়লৈ গৈছিল যদিও বিদ্যালয়ৰ ঘৰলৈ উভতি অহাৰ পাছৰে পৰা মন মাৰি আছিল ছাত্ৰীগৰাকীয়ে । বিয়লি ৪:৩০ মান বজাত ঘৰৰ ভিতৰত চিপজৰী লৈ আত্মহনন কৰে ছাত্ৰীগৰাকীয়ে । পৰিয়ালৰ লোকে ঘটনা সন্দৰ্ভত আৰক্ষীক অৱগত কৰাত নিশা ঘটনাস্থলীত নগাঁৱৰ আৰক্ষী অধীক্ষক আৰু কলিয়াবৰ মহকুমা আৰক্ষী বিষয়া উপস্থিত হয়(Minor girl commits suicide) ।  

ঘটনাটোৰ প্ৰাথমিক তদন্তৰ অন্তত নিশাই উলুৱনী আৰক্ষীয়ে কাৰ্যবাহী দণ্ডাধীশৰ উপস্থিতিত ছাত্ৰীগৰাকীৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে । কি কাৰণে ১২ বছৰীয়া ছাত্ৰীগৰাকীয়ে আত্মহননৰ দৰে চৰম পথ বাচি ল'লে, সেয়া এতিয়াও ৰহস্যৰ আৱৰ্তত । মৰণোত্তৰ পৰীক্ষাৰ পাছতহে আৰক্ষীৰ সঠিক তদন্তৰ অন্ততহে পোহৰলৈ আহিব ঘটনাৰ প্ৰকৃত ৰহস্য । 

লগতে পঢ়ক:Jorhat porn incident : যোৰহাট কাণ্ডৰ সৈতে জড়িতক ন্যায়িক জিম্মালৈ প্ৰেৰণ