Dog terror: বঙাইগাঁৱত কুকুৰৰ উপদ্ৰৱ, 10 জনকৈ লোকক কামুৰি আহত
মাণিকপুৰ, 1 আগষ্ট: বিছাৰ পিচত এই কুকুৰৰ সন্ত্ৰাস ৷ বঙাইগাওঁ জিলাৰ বালাৰপেট আৰু বাশবাৰীত কুকুৰৰ উপদ্ৰৱে ত্ৰাসৰ সৃষ্টি কৰিছে ৷ কুকুৰে কামুৰি আহত কৰিলে প্ৰায় 10 জনকৈ লোকক ৷
কুকুৰৰ সন্ত্ৰাসৰ বাবেই নিদ্ৰা হৰিছে দুখনকৈ গাঁৱৰ ৰাইজৰ ৷ যোৱা কেইবাদিনে দুখন গাঁৱৰ প্ৰায় 10 ৰ পৰা 12 জন লোকক কুকুৰে কামুৰি আহত কৰিছে ৷ কুকুৰৰ ভয়ৰ বাবেই বাহিৰলৈ ওলাব পৰা নাই স্থানীয় লোকসকলে ৷ যিকোনো সময়তে কুকুৰে আক্ৰমণ কৰাৰ বাবে ৰাস্তা-ঘাটত মানুহ ওলাব নোৱাৰাত পৰিছে ৷
নিশাৰ লগতে দিন দুপৰতে কুকুৰৰ আক্ৰমণৰ সম্মুখীন হৈছে স্থানীয় লোকসকল ৷ মানুহৰ লগতে ছাগলী, ভেৰা আদি জন্তুবোৰকো কুকুৰে কামুৰিছে ৷ ক'ৰ পৰা কুকুৰৰ জাকে আহি সন্ত্ৰাসৰ সৃষ্টি কৰিছে সেয়া এতিয়ালৈকে জানিব পৰা হোৱা নাই ৷ কুকুৰৰ সন্ত্ৰাস ৰোধ কৰিবলৈ প্ৰসাশনক দাবী জনাইছে স্থানীয় ৰাইজে ৷ অন্যথা কুকুৰক হত্যা কৰিবলৈ বাধ্য হ’ব স্থানীয় ৰাইজ ৷
লগতে পঢ়ক:Illegal Wood Seized:লখিমপুৰত প্ৰায় চাৰিলাখ টকাৰ চোৰাং শিমলু কাঠ জব্দ