শিৱসাগৰত পথ দুৰ্ঘটনা থিতাতে নিহত 1 জন: আহত 10 জন

শিৱসাগৰৰ হালোৱাটিঙত মঙলবাৰে সংঘটিত হয় এক ভয়াৱহ পথ দুৰ্ঘটনা(One killed in Road accident at Sivasagar) ৷ এখন টাটা মেক্সিম' আৰু বলেৰ' পিক আপ বাহনৰ মাজৰ মুখামুখি সংঘৰ্ষত এটি কিশোৰ থিতাতে নিহত হোৱাৰ লগতে টাটা মেক্সিম'খনত থকা আন দহগৰাকী যাত্ৰী গুৰুতৰভাৱে আহত হয়(10 People injured in Sivsagar road accident) ৷ নিহত কিশোৰটো তিতাবৰৰ তাইৰুণ বাগিচাৰ চন্দন কালাণ্ডী(১৩) বুলি জানিব পৰা গৈছে । আনহাতে আহত লোকসকল ক্ৰমে লক্ষ্মী ভূমিজ, সুনিতা কৰ্মকাৰ, ৰীণা কালাণ্ডী, ৰিংকী ভূমিজ, ৰোহন ভূমিজ, ৰেখামণি লাহন বুলি জানিব পৰা হৈছে । দুৰ্ঘটনাটো সংঘটিত হোৱাৰ পাছতেই AS-04-BC-4928 নম্বৰৰ টাটা মেক্সিম' আৰু AS-04-AC-2759 নম্বৰৰ বলেৰ' পিক আপ বাহনখনৰ চালক ঘটনাস্থলীৰ পৰা পলায়ন কৰে ৷ দুৰ্ঘটনাটো সংঘটিত হোৱাৰ পাচত ঘটনাস্থলীত হালোৱাটিং আৰক্ষী উপস্থিত হৈ আহতসকলক আমগুৰি চিকিৎসালয়লৈ প্ৰেৰণ কৰে ।