Suspected murder at Barpeta: পৰকীয়া প্ৰেমৰ বাবেই পত্নীক হত্যাৰ অভিযোগ

বিয়াৰ এবছৰৰ পিছতে বৰপেটাৰ বহৰিত বোৱাৰীৰ ৰহস্যজনক মৃত্যু (Suspected murder at Barpeta) ৷ ৰৌমাৰীৰ পথাৰ গাঁৱত চীপ লৈ থকা অৱস্থাত উদ্ধাৰ আজমিনা খাটুন নামৰ বোৱাৰীগৰাকীৰ মৃতদেহ ৷ ৰৌমাৰী পথাৰৰ আজমিনা খানম নামৰ বোৱাৰীগৰাকীক স্বামী হবিবৰ ৰহমানে হত্যা কৰি আত্মহত্যাৰ ৰূপ দিয়াৰ অভিযোগ পৰিয়ালৰ লোকৰ ৷ হবিবৰ ৰহমানৰ আন নাৰীৰ সৈতে থকা পৰকীয়া প্ৰেমৰ বাবেই পত্নীক হত্যা কৰাৰ অভিযোগ তুলিছে মৃত বোৱাৰীগৰাকীৰ পৰিয়ালৰ লোকে ৷ আনকি হবিবৰে আজমিনা খাটুনক ঘৰলৈ লৈ যাবলৈ ভাতৃক ফোনযোগে জনোৱাৰ লগতে আজমিনাক লৈ নগ’লে মাৰি পেলাব বুলি টেলিফোনত ভাবুকি দিয়া বুলিও অভিযোগ আজমিনা খাটুনৰ মাতৃগৃহৰ ৷ ঘটনা সন্দৰ্ভত বহৰিস্থিত তাৰাবাৰী থানাত এজাহাৰ দাখিল কৰিছে আজমিনা খানমৰ পৰিয়ালৰ লোকে ।