ৰাজপথতে পত্নী-সন্তানৰ সন্মুখত এজনক গুৰুলা-গুৰুলকৈ প্ৰহাৰ কৰিলে আৰক্ষীয়ে - পল্টন বজাৰ আৰক্ষী প্ৰহাৰ

পল্টন বজাৰৰ ৰাজপথত বিকি প্ৰসাদ গুপ্তা নামৰ এজন লোকে পত্নী-সন্তানসহ মটৰ চাইকেলেৰে গৈ থকাৰ পথত যান-যঁটৰ বাবে কিছু সময় ৰোৱাৰ সময়তে ঘটনাটো সংঘটিত হয় ৷ প্ৰথমে ফকৰুদ্দিন আহমেদ নামৰ যান-বাহন শাখাৰ এজন আৰক্ষীৰ লোক আৰু পৰিয়ালৰ সৈতে যোৱা লোকজনৰ মাজত বাক-বিতণ্ডাৰ সৃষ্টি হয় ৷ ইয়াৰ পিছতে হঠাৎ আৰক্ষীৰ লোকজনে প্ৰহাৰ কৰিবলৈ আৰম্ভ কৰে লোকজনক (Man beaten by police in Paltan Bazar)৷ ফলত লোকজনৰ লগতে পত্নী আৰু কণমানি সন্তানটি বাগৰি পৰে পথত ৷ ইয়াৰ পিছতে লোকজনেও আৰক্ষীৰ লোকজনক প্ৰহাৰ কৰা দেখা যায় ৷ পৰৱৰ্তী সময়ত কেইবাজনো আৰক্ষীয়ে প্ৰহাৰ কৰে লোকজনক ৷ কি কাৰণে আৰক্ষী আৰু লোকজনৰ মাজত বাক-বিতণ্ডাৰ সৃষ্টি হ’ল জানিব পৰা নাই যদিও ৰাজপথতে এজন লোকক এনেদৰে পৰিয়ালৰ সন্মুখত প্ৰহাৰ কৰা ঘটনাই চৰ্চা লাভ কৰিছে ৷ উল্লেখ্য যে, এই ঘটনাৰ ভিডিঅ’ সামাজিক মাধ্যমত ভাইৰেল হোৱাৰ পিছতে ফকৰুদ্দিন আহমেদ নামৰ আৰক্ষীৰ লোকজনক নিলম্বনৰ নিৰ্দেশনা জাৰি কৰা হৈছে ৷