মণিপুৰৰ ট্ৰাক চালকসকলক সহায়ৰ হাত কাৰ্বি আংলং মটৰ শ্ৰমিক আৰু চালক সন্থাৰ - কাৰ্বি আংলং মটৰ শ্ৰমিক আৰু চালক সন্থাৰ

নাগালেণ্ডৰ কহিমা আৰু মাও মাজত প্ৰায় ৩০ কি.মি. যোৱা পথচোৱাত 20 মাৰ্চৰ পৰা বৰ্তমানলৈকে নাগালেণ্ডৰ এটা সংগঠনে পথ অৱৰোধ কাৰ্যসূচী গ্ৰহণ কৰিছে ৷ যাৰ বাবে মণিপুৰৰ প্ৰায় সহস্ৰাধিক ট্ৰাক চালক আৱদ্ধ হৈ পৰিছে সেই স্থানত (Many drivers trapped at Khotkhoti)৷ কাৰ্বি আংলঙৰ সীমান্তৱৰ্তী অঞ্চল খটখটী আৰু লাহৰিজানত আৱদ্ধ হৈ থকা চালক-হেণ্ডিমেনসকল অনাহাৰে, অনিদ্ৰাত জীয়াতু ভুগি আছে ৷ কিন্তু এই সন্দৰ্ভত কাণসাৰ নাই নাগালেণ্ড, মণিপুৰ বা অসম চৰকাৰৰ ৷ সেয়ে দেওবাৰে কাৰ্বি আংলং মটৰ পৰিবহন শ্ৰমিক আৰু চালক সন্থাৰ সাধাৰণ সম্পাদক কৃষ্ণ ভট্টৰায়ৰ নেতৃত্বত যোৱা এটা দলে চালকসকলক সাময়িক সকাহৰ বাবে আৱদ্ধ চালক-হেণ্ডিমেনসকলৰ মাজত উপস্থিত হৈ চাউল, ডাইল, তেল আৰু আলু আদি খাদ্য সামগ্ৰী বিতৰণ কৰে ৷