এফালে ইউৰিয়া সাৰৰ নাটনি আনফালে পানীৰ অভাৱ: নগাঁৱৰ কৃষকৰ মাজত হাঁহাকাৰ - পানীৰ অভাৱত নগাঁৱৰ কৃষকে হাঁহাকাৰ কৰিব লগা হৈছে

এফালে ইউৰিয়া সাৰৰ নাটনি, আনফালে পানীৰ অভাৱত নগাঁৱৰ কৃষকে হাঁহাকাৰ কৰিব লগা হৈছে (Farmers in trouble due to lack of water in Nagaon) ৷ নিজ কঠিয়াতলী গাঁও পঞ্চায়তৰ অন্তৰ্গত বহু অঞ্চলৰ কৃষকে এতিয়া পানীৰ অভাৱত বৰো খেতি কৰিব নোৱাৰি হাঁহাকাৰ কৰিব লগা হৈছে ৷ ৰাজ্যৰ জলসম্পদ বিভাগে ৰাইজক পানী যোগানৰ উদ্দেশ্যে কঠিয়াতলী শগুণবাহীত বহু কোটি টকা ব্যয়ৰে এটা পানী যোগান আঁচনি ৰূপায়ন কৰিলে যদিও আজিকোপতি সেই আঁচনিৰ পৰা পানী লাভ নকৰিলে কৃষকসকলে ৷ যাৰ বাবে অত্যাধিক মূল্যত ডিজেল ক্ৰয় কৰি মেচিনেৰে পানী সিঁচি বৰো ধানৰ খেতি কৰিব লগা হৈছে কৃষকসকলে ৷ তথাপিও পানীৰ অভাৱত শুকাই গৈছে কৃষি ভূমি সমূহ ৷ দৰিদ্ৰ কৃষক ৰাইজৰ চৰকাৰলৈ আহ্বান, বিকল হৈ থকা পানী যোগান আঁচনিসমূহ মেৰামতি কৰি কৃষকক উপকৃত কৰক ৷