সমনীয়াৰ সৈতে গা ধুবলৈ গৈ সন্ধানহীন গণেশ
Minor Boy Missing in Lakhimpur: সমনীয়াৰ সৈতে গা ধুবলৈ গৈ সন্ধনহীন গণেশ
লখিমপুৰ, ৮ জুলাই: লখিমপুৰৰ ৰে’ল ষ্টেচনৰ সমীপত চাঞ্চল্যকৰ ঘটনা ৷ সমনীয়াৰ সৈতে এটা জানত গা-ধুবলৈ গৈ সন্ধানহীন হ’ল এটি কিশোৰ ৷ শনিবাৰে বিয়লিৰ ভাগত এই ঘটনা সংঘটিত হয় ৷ সন্ধানহীন কিশোৰটো লখিমপুৰ ৰে’লৱে ষ্টেচনৰ দুই নং ক’লনিৰ গণেশ শ্বাহ বুলি জানিব পৰা গৈছে ৷ দশম মান শ্ৰেণীত অধ্যয়নৰত গণেশে সমনীয়াৰ সৈতে বিয়লি গা-ধুবলৈ নামিছিল জানটোত। জানটোৰ কোবাল সোঁতে উটুৱাই নিয়াৰ সন্দেহ কৰিছে ৰাইজে ৷
ঘটনাৰ পাছতে SDRF বাহিনী উপস্থিত হৈ উদ্ধাৰ অভিযান আৰম্ভ কৰিছে ৷ SDRF ৰ ডুবাৰু বাহিনীয়ে জানটোত গণেশৰ সন্ধানত অভিযান চলায় যদিও বাতৰি লিখা পৰলৈকে সন্ধান লাভ কৰা নাই গণেশৰ ৷ জানটোত ৪০ ফুটমান গভীৰ এটা গাঁত আছে বুলি স্থানীয় ৰাইজে জানিবলৈ দিছে ৷
লগতে পঢ়ক:Erosion in Lakhimpur : লখিমপুৰত বানৰ সমানে খহনীয়াৰ তাণ্ডৱ, নিৰ্বিকাৰ জিলা প্ৰশাসন