বিজেপিৰ নিৰ্মূল কৰিবলৈ গাঁৱে-ভূঞে যাব তৃণমূল কংগ্ৰেছ অসম

তিনিচুকীয়া, 26 নৱেম্বৰ :লোকসভা নিৰ্বাচনৰ দিন চমু চাপি অহাৰ লগে লগে ৰাজনৈতিক দলৰ নেতাসকল ব্যস্ত হৈ পৰা দেখা গৈছে ৷ শাসক বিৰোধীৰ মাজত চলিছে বাকযুদ্ধ ৷ মুঠতে নিৰ্বাচনৰ প্ৰাকক্ষণত ইখনৰ পাচত সিখনকৈ সভা অনুষ্ঠিত কৰি দলীয় শক্তি প্ৰদৰ্শনত ব্যস্ত হোৱা দেখা গৈছে ৰাজনৈতিক দলসমূহে ৷  

দেওবাৰে তিনিচুকীয়াৰ উন্নয়ন প্ৰাধিকৰণৰ সাংস্কৃতিক কেন্দ্ৰত অসম তৃণমূল কংগ্ৰেছৰ এখন কৰ্মীসভা অনুষ্ঠিত হয় ৷ উক্ত সভাত অংশগ্ৰহণ কৰে অসম তৃণমূল কংগ্ৰেছৰ সভাপতি ৰিপুন বৰাই ৷ শেহতীয়াকৈ ৰাজ্য চৰকাৰে কৰৰ ক্ষেত্ৰত লোৱা সিদ্ধান্তক বাতিল কৰাৰ দাবী জনাই বৰাই কয় যে, মূল্যবৃদ্ধিৰ পাচত অতিৰিক্ত কৰৰ বোজা অসমৰ ৰাইজৰ মূৰত জাপি দি ৰাইজক মাধমাৰ সোধাইছে চৰকাৰে ৷

টি এম চিৰ নেতা বৰাই কয়, ‘‘কৰ্মীসভাৰ জৰিয়তে আগন্তুক নিৰ্বাচনত কেনেকৈ বিজেপিক উৎখাত কৰিব পাৰি তাৰ বাবে ৰণকৌশল প্ৰস্তুত কৰি গাঁৱে-ভূঞে তৃণমূল কংগ্ৰেছৰ কৰ্মীসকলে প্ৰৱেশ কৰিব ৷’’

লগতে পঢ়ক ;অমৃত কালত দলং এখন বিচাৰি ৰাইজে কৰিবলগীয়া হৈছে প্ৰতিবাদ