বোকাখাতত অসম আৰক্ষীৰ শ্বহীদ জোৱানক শ্ৰদ্ধাঞ্জলি
আই মাতৃ অসমৰ ভূমিক সুৰক্ষা দিবলৈ গৈ শ্বহীদ হোৱা অসম আৰক্ষীৰ জোৱানসকলৰ বাবে সমগ্ৰ ৰাজ্য শোকত ভাগি পৰিছে । শ্বহীদ সকলৰ আত্মাৰ চিৰশান্তিৰ বাবে ৰাজ্যৰ ভিন্ন প্ৰান্তৰ লগতে বোকাখাততো জনাইছে শ্ৰদ্ধাঞ্জলি । অসম-মিজোৰাম সীমান্তত শ্বহীদ হোৱা জোৱানসকলৰ মৃত্যুত শ্ৰদ্ধাঞ্জলী জনোৱাৰ লগতে আহতসকলৰ আশু আৰোগ্য কামনাৰে অসম গণ পৰিষদৰ বোকাখাত বিধান পৰিষদৰ যুৱ পৰিষদে বোকাখাত নগৰৰ মাজমজিয়াত থকা চিকন আতা থানৰ তোঁৰণৰ তলত বন্তি প্ৰজ্বলন কৰে ৷ বোকাখাত আৰক্ষী থানাৰ ভাৰপ্ৰাপ্ত আৰক্ষী বিষয়া প্ৰদীপ কুমাৰ বৰাই প্ৰথম গচি বন্তি প্ৰজ্বলন কৰি শুভ উদ্বোধন কৰা অনুষ্ঠানত বোকাখাত বিধান পৰিষদৰ সম্পাদক উৎপল বৰদলৈকে আদি কৰি অগপৰ বহু সংখ্যক দলীয় সতীৰ্থ উপস্থিত থাকে ৷