বঙাইগাঁও জিলাৰ ঘিলাগুৰি কটাশবাৰীত HSLC ফলাফলক কেন্দ্ৰকৰি উত্তপ্ত পৰিস্থিতি

বঙাইগাঁও (BONAIGAON) জিলাৰ ঘিলাগুৰি কটাশবাৰী উচ্চ বিদ্যালয়ৰ একাংশ শিক্ষাৰ্থীয়ে হাইস্কুল শিক্ষান্ত পৰীক্ষাৰ ফলাফলক(HSLC)কেন্দ্ৰ কৰি পৰিৱেশ উত্তাল কৰি তোলে । একাংশ শিক্ষাৰ্থীয়ে তেওঁলোকৰ ফলাফলত বিসংগতি হোৱাৰ অভিযোগ তুলি বিদ্যালয়খনৰ ভিতৰত প্ৰধান শিক্ষক উমেশ ৰায়ৰ বিৰুদ্ধে বিভিন্ন প্ৰতিবাদী শ্ল’গান দি পৰিৱেশ উত্তাল কৰি তোলে । প্ৰধান শিক্ষক উমেশ ৰায় আৰু বিদ্যালয়খনৰ কেৰানীয়ে টকা লৈ শিক্ষাৰ্থী কিছুমানক উত্তীৰ্ণ কৰোৱাইছে বুলি অভিযোগ স্থানীয় ৰাইজৰ । আনহাতে টকা দিব নোৱাৰা ছাত্ৰ-ছাত্ৰী সকলৰ ফলাফল বেয়া কৰাই দিয়া হৈছে বুলি ছাত্ৰ ছাত্ৰীসকলে মন্তব্য কৰে । এতিয়া বিদ্যালয়খনৰ ছাত্ৰ-ছাত্ৰীসকলে ন্যায় বিচাৰি অসম চৰকাৰক উচিত তদন্তৰ আহ্বান জনাইছে ।