কাছাৰত দুটিকৈ পৰিয়ালৰ বাসগৃহ জ্বলাই দিলে দুৰ্বৃত্তই

শিলচৰ,7 আগষ্ট : কাছাৰ জিলাৰ ৰোজকান্দি চাহ বাগিছাত ভয়ংকৰ ঘটনা ৷ চেলিম উদ্দিন আৰু সুণীল বাপ্তি নামৰ লোক দুজনৰ বাসগৃহ জ্বলাই দিলে দুৰ্বৃত্তই ৷ উল্লেখ্য যে,কিছুদিন পূৰ্বে কাছাৰ জিলাৰ ৰোজকান্দি চাহ বাগিছাত উত্তপ্ত পৰিস্থিতিৰ সৃষ্টি হৈছিল ৷ বাগিছাখনৰ মেনেজাৰৰ বিৰুদ্ধে উত্থাপিত হৈছিল বহু অভিযোগ ৷ বাগিছাখনত কাম কৰা শ্ৰমিকসকলে 'মেনেজাৰ হতাও অভিযানেৰে' সাব্যস্ত কৰিছিল প্ৰতিবাদ ৷ বাবুল কুমাৰৰ নিৰ্দেশত হোৱা প্ৰতিবাদত জড়িত হোৱা নাছিল চেলিম উদ্দিন আৰু সুণীল বাপ্তি ৷ যাৰ বাবে জ্বলাই দিয়া হৈছিল চেলিম উদ্দিনৰ লগতে সুণীল বাপ্তিৰ বাসগৃহ ৷ ইফালে,প্ৰতিবাদৰ বাবে বাবুল কুমাৰৰ লগতে একাংশ প্ৰতিবাদকাৰীক আটক কৰিছিল আৰক্ষীয়ে ৷ বাবুল কুমাৰৰ নিৰ্দেশতে চেলিমৰ বাসগৃহ জ্বলাই দিয়া হৈছে বুলি একাংশ লোকে অভিযোগ উত্থাপন কৰে ৷