বঙাইগাঁৱত আৰক্ষীৰ নিছিদ্ৰ তালাচী

সমগ্ৰ দেশতে 75 সংখ্যক স্বাধীনতা দিৱসৰ প্ৰস্তুতি অব্যাহত আছে ৷ 75 সংখ্যক স্বাধীনতা দিৱসৰ প্ৰাকক্ষণত বঙাইগাঁও জিলাৰ বিভিন্ন ঠাইৰ লগতে মাণিকপুৰ অভয়াপুৰীত কটকটীয়া নিৰাপত্তা বেষ্টনী গঢ়ি তোলা হৈছে ৷ জিলাখনৰ বিভিন্ন ঠাইত নিছিদ্ৰ তালাচী চলাইছে আৰক্ষী-প্ৰশাসনে ৷ শুকুৰবাৰে সন্ধিয়াৰ ভাগত আৰক্ষীয়ে অভয়াপুৰী আৰু মাণিকপুৰৰ 31 নং ৰাষ্ট্ৰীয় ঘাইপথত তীব্ৰ তালাচী অভিযান চলায় ৷ এই তালাচীত সাৰি যোৱা নাই বাইক কিম্বা চাৰিচকীয়া বাহন । সকলো বাহনতে এফালৰ পৰা চলাই গৈছে তালাচী অভিযান ৷ স্বাধীনতা দিৱসত শান্তি শৃংখলা বজাই ৰখাৰ স্বাৰ্থতে চলিছে এই তালাচী অভিযান ।