শিৱসাগৰ আৰক্ষীৰ জালত 4 টাকৈ কুখ্যাত গৰু চোৰ

শিৱসাগৰত(SIVSAGAR) ৪ টা কুখ্যাত গৰু চোৰ (COW THEIF) আৰক্ষীৰ জালত ৷ ডিমৌৰ পৰা শিৱসাগৰ আৰক্ষীয়ে গ্ৰেপ্তাৰ কৰে গৰু চোৰ কেইটাক ৷ উল্লেখযোগ্য যে, চোৰ কেইটাই দীৰ্ঘদিন ধৰি বিলাসী গাড়ী ব্যৱহাৰ কৰি গৰু চুৰি কৰি আহিছিল ৷ এপষেক পূৰ্বেও চোৰ কেইটাই AS-01 MA-8640 নম্বৰৰ বিলাসী আৰ্টিগা গাড়ীৰে গৰু চুৰি সংঘটিত কৰা অৱস্থাত আৰক্ষীয়ে অভিযান চলাইছিল যদিও চোৰ কেইটা কৌশলৰে পলায়ন কৰিবলৈ সক্ষম হৈছিল ৷ আৰক্ষীয়ে উক্ত চুৰি কাৰ্যত ব্যৱহৃত গাড়ীখন জব্দ কৰি গোচৰ ৰুজু কৰিছিল 714/21 নম্বৰত ভাৰতীয় দণ্ডবিধি আইনৰ 379 ধাৰাৰ ৷ বৃহস্পতিবাৰে শিৱসাগৰ আৰক্ষীয়ে গ্ৰেপ্তাৰ কৰে ইক্ৰাম আলী, ইছা হক, ইউচুফ আলী আৰু ইয়াকুব আলী নামৰ গৰু চোৰ কেইটাক ৷ ধৃত চোৰ কেইটাৰ ঘৰ শিৱসাগৰ জিলাৰ জাপিসজীয়াত ৷