শিৱসাগৰত বিজেপিৰ হৈ প্ৰতিদ্বন্দিতা কৰিব সুৰভী ৰাজকুঁৱৰীয়ে
১০৮ নং শিৱসাগৰ সমষ্টিত বিজেপি দলৰ হৈ টিকত লাভ কৰা সুৰভী ৰাজকুঁৱৰী আজি সন্ধিয়া গুৱাহাটীৰ পৰা শিৱসাগৰত উপস্থিত হয় । শিৱসাগৰ নগৰত প্ৰৱেশ কৰাৰ আগৰে পৰা সমৰ্থক সকলে বিশাল ৰেলী কৰি দলৰ পৰা টিকত লাভ কৰা প্ৰাৰ্থী গৰাকীক আদৰি আনে।পোনে পোনে শিৱসাগৰৰ শিৱ দ'লত সেৱা আগবঢ়াই প্ৰাৰ্থী গৰাকীয়ে অনাগত দিনৰ বাবে আৰু নিৰ্বাচনত বিজয়ী হবৰ বাবে বাবাৰ আগত প্ৰাৰ্থনা জনায়।ইতিমধ্যে ৰাইজৰ দলৰ পৰা অখিল গগৈক প্ৰাৰ্থীত্ব ঘোষণা কৰা তথা কংগ্ৰেছ দলৰ পৰা সমষ্টিটোৰ প্ৰাৰ্থী ঘোষণা নকৰা সময়ত দলীয় সমৰ্থক আৰু ৰাইজৰ আশীৰ্বাদত বিজয়ী হ'ব বুলি দৃঢ় বিশ্বাসী সুৰভী ৰাজকুঁৱৰী।বিজেপি দলৰ মজবুত ভেটি আৰু সমৰ্থকৰ উৎসাহ লৈ বিপুল ভোটত জয়লাভ কৰিব বুলি দাবী কৰে টিকত লাভ কৰা প্ৰাৰ্থী গৰাকীয়ে।