সমগ্ৰ ৰাজ্যৰ লগতে বাইহাটাতো চলিছে বিহুৰ প্ৰস্তুতি - বিহুৰ প্ৰস্তুতি
বাপতি সাহোন বহাগৰ বিহুটি আহি পদূলিমুখত । অসমৰ আকাশত এতিয়া দিনে-নিশাই শুনা গৈছে ঢোল, পেঁপা, গগণাৰ মাত । বহাগ অহাৰ বতৰা পাই গাত তৰণি নাইকীয়া হৈছে অসমীয়া ডেকা-গাভৰুৰ ৷ তাৰ মাজতে বাইহাটা চাৰিআলিৰ শৰাইঘাটাৰ এক সাংস্কৃতিক অনুষ্ঠান "মইনা পাৰিজাত" ৰ উদ্যোগত এই বিহুৰ বতৰত কণ-কণ শিশুৰ পৰা আৰম্ভ কৰি যুৱক-যুৱতীসকলে লৈছে বিহুৰ প্ৰশিক্ষণ । বিহুত ব্যৱহৃত বিভিন্ন বাদ্যযন্ত্ৰ, নৃত্য, বিহু হুঁচৰি, জেং বিহু আদিৰে ১৫ দিনীয়া কাৰ্যসূচীৰে অনুষ্ঠিত কৰা এই প্ৰশিক্ষণ শিবিৰৰ সফল সামৰণি পৰে ৷