পৰিষদৰ নিৰ্বাচনত আটাইকেইখন আসনতে জয়ী হʼব বিজেপি : মুখ্যমন্ত্ৰী - কাৰ্বি আংলঙত মুখ্যমন্ত্ৰী ড৹ হিমন্ত বিশ্ব শৰ্মা

23 মাৰ্চৰ পৰা 26 মাৰ্চলৈ চাৰিদিনীয়া বৰ্ণাঢ্য কাৰ্যসূচীৰে পশ্চিম কাৰ্বি আংলঙত অনুষ্ঠিত হোৱা কাৰ্বি লাম্মেত আমেইত অংশগ্ৰহণৰ বাবে বৃহস্পতিবাৰে কাৰ্বি আংলঙত উপস্থিত হয় ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মা(Assam CM at Karbi Lammet Amei event) ৷ ইফালে, অনুষ্ঠানটিত অংশগ্ৰহণ কৰাৰ লগতে ভাৰতীয় জনতা পাৰ্টীৰ পশ্চিম কাৰ্বি আংলং জিলাৰ কাৰ্যালয় মুকলি কৰে মুখ্যমন্ত্ৰীগৰাকীয়ে (BJP office Inauguration by Assam CM) ৷ কাৰ্যালয়টোৰ শুভ উদ্বোধন কৰি ভাষণ প্ৰদান কৰে মুখ্যমন্ত্ৰীগৰাকীয়ে ৷ ইফালে সমাগত কাৰ্বি আংলং স্বায়ত্বশাসিত পৰিষদৰ নিৰ্বাচন সন্দৰ্ভত মন্তব্য কৰি পৰিষদৰ আটাইকেইখন আসনতে বিজেপি দলৰ প্ৰাৰ্থীয়ে জয়লাভ কৰিব বুলি দাবী কৰাৰ লগতে, প্ৰাৰ্থিত্ব প্ৰদানৰ ক্ষেত্ৰতো সকলো জাতি জনগোষ্ঠীৰ লোকে নিৰাপদ অনুভৱ কৰিব পৰা প্ৰাৰ্থীক গুৰুত্ব প্ৰদান কৰাৰ ইংগিত দিয়ে মুখ্যমন্ত্ৰীগৰাকীয়ে ।