বিজেপিৰ জিলা সভাপতিসহ শতাধিক কৰ্মীৰ কংগ্ৰেছত যোগদান - কংগ্ৰেছত যোগদান বিজেপি নেতাৰ

পশ্চিম কাৰ্বি আংলং জিলাৰ বিজেপিৰ কেইবাজনো নেতাৰ সৈতে শতাধিক সদস্যই সোমবাৰে কংগ্ৰেছ দলত যোগদান কৰে (BJP leader joins Congress)। পশ্চিম কাৰ্বি আংলং জিলা কংগ্ৰেছৰ সভাপতি ছাৰ্থে ক্ৰামছাৰ উদ্যোগত অসম প্ৰদেশ কংগ্ৰেছ কমিটীৰ সভাপতি শ্ৰীভূপেন কুমাৰ বৰাৰ উপস্হিতিত ৰাজীৱ ভৱনত এই যোগদান সমাপন কৰা হয় । জিলাখনৰ বিজেপি দলৰ প্ৰথম শাৰীৰ নেতা লংবীৰ তেৰণ, খৰসিং ৰংপি, ৰাম টিমুং, ধৰ্মেন্দ্ৰ টাকবি, ধৰ্মেন্দ্ৰ বড়োকে আদি কৰি এশৰো অধিক বিজেপি দলৰ সক্ৰিয় কৰ্ম-কৰ্তাই কংগ্ৰেছ দলত যোগদান কৰে । অচিৰেই বিজেপি দলৰ নেতাসকলৰ দ্বাৰা সংঘটিত কু-কাৰ্য্য আৰু দুৰ্নীতিৰ উদঘাটন কৰিবলৈ কংগ্ৰেছ দল সক্ষম হ’ব বুলি অসম প্ৰদেশ কংগ্ৰেছৰ সভাপতিগৰাকীয়ে মন্তব্য কৰে ।