দলৰ পৰা কোনোবা ওলাই গলেও প্ৰভাৱ নপৰে বিজেপিত: অমিয় ভূঞা - বিধায়ক অমিয় কুমাৰ ভূঞা

বিহপুৰীয়া বিজেপিত অন্তঃকন্দল । স্থানীয় বিধায়ক ড৹ অমিয় কুমাৰ ভূঞাৰ বিৰুদ্ধে মইমতালিৰ অভিযোগ (BJP Faces Problem with Internal Conflicts at Bihpuria) । বিহপুৰীয়া নগৰ মণ্ডল বিজেপিৰ সভানেত্ৰী কুসুম পাটগিৰি আৰু মহিলা মৰ্চাৰ সাধাৰণ সম্পাদিকা তনুশ্ৰী গগৈৰ দলত্যাগ ৷ দুয়োগৰাকী নেত্ৰীয়ে যোগদান কৰিলে অগপত৷ অগপৰ হৈ পৌৰনিৰ্বাচনত অৱতীৰ্ণ হ’ব দুয়োগৰাকী । বিধায়ক ড৹ অমিয় কুমাৰ ভূঞাৰ বিৰুদ্ধে সৰৱ মিত্ৰজোঁটৰ অংশীদাৰ অগপ দলৰ কৰ্মী । বিহপুৰীয়াত চাৰিগৰাকী আৰু নাৰায়ণপুৰত তিনিগৰাকীয়ে অগপ দলৰ পৰা নিৰ্বাচনত অৱতীৰ্ণ হ’ব ৷ ইফালে সমগ্ৰ বিষয় সন্দৰ্ভত বিধায়কগৰাকীয়ে মন্তব্য আগবঢ়াই ক’লে, "ইয়াৰ দ্বাৰা দলত কোনো প্ৰভাৱ নপৰে । যিসকলে নিজৰ সুবিধা আদায় কৰাৰ মানসেৰে দললৈ আহিছে, তেওঁলোক দলত দীৰ্ঘকাল থাকিব নোৱাৰে ।"