শ্ৰীমন্ত শংকৰদেৱ সংঘৰ অধিৱেশনত বিধানসভাৰ অধ্যক্ষ বিশ্বজিৎ দৈমাৰী - শ্ৰীমন্ত শংকৰদেৱ সংঘৰ 91 সংখ্যক বাৰ্ষিক অধিৱেশন

শুকুৰবাৰৰ পৰা নাহৰকটীয়া ৰাঙলী পথাৰৰ নীলমণি ফুকন সমন্বয় ক্ষেত্ৰত তিনিদিনীয়া বৰ্ণাঢ্য কাৰ্যসূচীৰে আৰম্ভ হৈছে শ্ৰীমন্ত শংকৰদেৱ সংঘৰ 91 সংখ্যক বাৰ্ষিক অধিৱেশন (Sankardev Sangha session at Naharkatia) ৷ ইতিমধ্যে দেশ-বিদেশৰ পৰা শ্ৰীমন্ত শংকৰদেৱৰ আদৰ্শৰে অনুপ্ৰাণিত ভক্তসকল আহি অধিৱেশনস্থলীৰ কাৰ্যসূচীত অংশগ্ৰহণ কৰিছে ৷ অধিৱেশনৰ দ্বিতীয় দিনতো হৰি নামেৰে মুখৰিত হৈ পৰিল অধিৱেশনৰ প্ৰাংগণ ৷ শনিবাৰৰ দিনটোত সংস্কৃতি শাখা সমিতিৰ অধিৱেশনত অসম বিধানসভাৰ অধ্যক্ষ বিশ্বজিৎ দৈমাৰীৰ লগতে কেন্দ্ৰীয় মন্ত্ৰী সৰ্বানন্দ সোণোৱালে মুখ্য অতিথি হিচাপে অংশগ্ৰহণ কৰে (Biswajit Daimary presents at Srimanta Sankardeva Sangha session) ।