যৌন সংক্ৰমণ বা এছটিআই হৈছে বিশ্বজুৰি এক স্বাস্থ্যজনিত চিন্তাৰ বিষয় (Sexually transmitted infections) ৷ যিয়ে প্ৰতি বছৰে লাখ লাখ লোকক আক্ৰান্ত কৰে আৰু মহিলাৰ গুপ্তাংগ, পুৰুষৰ মলদ্বাৰ আৰু লিংগ জড়িত যিকোনো ধৰণৰ যৌন কাৰ্যকলাপৰ পিচত ৰোগীয়ে ভুগিবলগীয়া কিছু যৌন সংক্ৰমণ ৷ বিশ্ব স্বাস্থ্য সংস্থা (WHO)ৰ তথ্য অনুসৰি যৌন সংস্পৰ্শৰ জৰিয়তে ৩০টা ভিন্ন প্ৰজাতিৰ বেক্টেৰিয়া, ভাইৰাছ আৰু পৰজীৱী সংক্ৰমিত হ’ব পাৰে, যাৰ ফলত প্ৰতিদিনে ১০ লাখতকৈ অধিক লোক আক্ৰান্ত হয় ।
ইন্দিৰা আইভিএফৰ চিইঅ’ আৰু সহ-প্ৰতিষ্ঠাপক ডাঃ ক্ষীতিজ মুৰ্ডিয়াই মানুহক প্ৰভাৱিত কৰা আৰু পিচলৈ, তেওঁলোকৰ যৌন আৰু প্ৰজনন স্বাস্থ্যতো বাধাৰ সৃষ্টি কৰা কেইবাটাও এছটিআইৰ ওপৰত আলোকপাত কৰে (Sexually transmitted diseases) ৷ তলত উল্লেখ কৰা কাৰণসমূহৰ ফলত সৃষ্টি হয় যৌন সংক্ৰমণ. . .
ক্ল’মাইডিয়া
WHO ৰ তথ্য অনুসৰি ২০২০ চনত ১২ কোটি ৯০ লাখ লোক সংক্ৰমিত হৈছে ৷ ক্ল’মাইডিয়া হৈছে আটাইতকৈ সাধাৰণ STI লিংগৰ পৰা নিৰ্গমন, মলদ্বাৰৰ বিষ, লগতে অণ্ডকোষত বিষ, ফুলা আদি । যদিহে সংক্ৰমণ পায়ুপথ বা মৌখিক যৌন সম্পৰ্কৰ জৰিয়তে সংক্ৰমিত হৈছিল তেন্তে ৰোগীৰ ডিঙিৰ বিষ হ’ব পাৰে ।
মহিলাৰ ক্ষেত্ৰত ক্ল’মাইডিয়াই ফেল’পিয়ান টিউবত প্ৰদাহ আৰু দাগ পৰাৰ সৃষ্টি কৰিব পাৰে যাৰ ফলত ডিম্বাশয় শুক্ৰাণুৰ দ্বাৰা নিষিক্ত হ’ব নোৱাৰে । ইয়াৰ ফলত পেলভিক ইনফ্লেমেটৰী ডিজিজো হ’ব পাৰে ।
গনোৰিয়া
গনোৰিয়া নেইচেৰিয়া গন’ৰিয়া নামৰ এবিধ বেক্টেৰিয়াৰ দ্বাৰা হয় । মহিলাৰ ক্ষেত্ৰত চিকিৎসা নকৰিলে ই জৰায়ু আৰু ফেল’পিয়ান টিউবলৈকে বিয়পি পৰি পিআইডি হ’ব পাৰে ৷ আনহাতে পুৰুষৰ ক্ষেত্ৰত ই এপিডিডাইমাইটিছ হ’ব পাৰে যিটো এপিডিডাইমিছৰ প্ৰদাহ । এনেবোৰ ক্ষেত্ৰত শুক্ৰাণুৰ সৈতে নিষেচনত বাধাৰ সৃষ্টি হয় ।
চিফিলিছ
WHO ৰ মতে ২০২০ চনত ৭১ লাখ লোক চিফিলিছত আক্ৰান্ত হৈছিল আৰু ইয়াৰ কাৰণ হৈছে Treponema pallidum নামৰ এটা বেক্টেৰিয়া । সংক্ৰমিত ব্যক্তিয়ে চাংক্ৰে নামৰ ঘাঁৰ প্ৰত্যক্ষ সংস্পৰ্শলৈ আহিলে ই বিয়পে আৰু গৰ্ভাৱস্থাত মাতৃৰ পৰা সন্তানলৈ বিয়পিব পাৰে । চিফিলিছৰ চিকিৎসা নকৰিলে প্ৰজনন তন্ত্ৰৰ সৈতে জড়িত অংগসমূহকে ধৰি স্নায়ুৰ ক্ষতি হ’ব পাৰে । এনে জটিলতাই পুৰুষ আৰু মহিলা উভয়ৰে ক্ষেত্ৰত সমস্যাৰ সৃষ্টি কৰিব পাৰে ।
হিউমেন পেপিলোমা ভাইৰাছ (HPV)
হিউমেন পেপিলোমা ভাইৰাছ হৈছে যৌন সংক্ৰমণ হোৱা ভাইৰাছ । মহিলাৰ ক্ষেত্ৰত ই ছাৰ্ভাইকেল কেন্সাৰৰ অন্যতম মূল কাৰণ, ই ছাৰ্ভাইক্স আৰু মহিলাৰ গৰ্ভধাৰণ ক্ষমতাত প্ৰভাৱ পেলায় । পুৰুষৰ ক্ষেত্ৰত ইয়াৰ ফলত যৌনাংগৰ উফি হ’ব পাৰে ।
স্বাস্থ্য বিশেষজ্ঞৰ মতে যৌন সংক্ৰামক ৰোগৰ লক্ষণসমূহ হ’ল-
লিংগ ফুলা বা তীব্ৰ সংক্ৰমণ বা তীব্ৰ খজুৱতি
লিংগ, যোনি, মুখ বা মলদ্বাৰৰ ওপৰত বা ওচৰত বাম্প, ঘা বা উফি
লিংগৰ স্ৰাৱ বা যোনিৰ পৰা স্ৰাৱ যি দুৰ্গন্ধযুক্ত