আমাৰ জীৱনত হঠাৎ অনাকাংশিত বহু দুৰ্ঘটনা ঘটে ৷ এনে পৰিস্থিতিত এই ঘটনাবোৰে মানুহৰ অন্তৰ-মনত ইমানেই প্ৰভাৱ পেলায় যে বহুবাৰ এনে লোকে আনকি ট্ৰমাৰ বাবে নিজৰ প্ৰাণো হেৰুওৱাবলগীয়া হয় ৷ কোনোবা এটা ঘটনাৰ বাবে এজন ব্যক্তিয়ে হঠাৎ গভীৰ আঘাত পায়, ইয়াকেই ট্ৰমা বোলা হয় ৷ যেনে যিকোনো দুৰ্ঘটনা, কাৰোবাৰ মৃত্যু, যিকোনো প্ৰাকৃতিক দুৰ্যোগ বা হিংসাৰ ঘটনা ইত্যাদি ৷
সমগ্ৰ বিশ্বতে প্ৰতি বছৰে ১৭ অক্টোবৰত বিশ্ব ট্ৰমা দিৱস পালন কৰা হয় ৷ এই দিৱস পালন কৰাৰ মূল উদ্দেশ্য হৈছে মানুহক ট্ৰমাৰ কাৰণ, লক্ষণ আৰু প্ৰতিৰোধৰ ব্যৱস্থাৰ বিষয়ে সজাগ কৰা ৷
যিকোনো বয়সতে কোনো ব্যক্তিৰ ওপৰত ট্ৰমাৰ প্ৰভাৱ পৰিব পাৰে ৷ ই মানুহক শাৰীৰিক আৰু মানসিক দুয়োটা দিশতে প্ৰভাৱিত কৰে ৷ গতিকে এই দিনটোৰ ইতিহাস আৰু গুৰুত্ব সম্পৰ্কে জানি লওক-
বিশ্ব ট্ৰমা দিৱসৰ ইতিহাস
এই দিৱস উদযাপন ২০১১ চনৰ পৰা আৰম্ভ হৈছিল, তেতিয়াৰ পৰা ১৭ অক্টোবৰ প্ৰতি বছৰে বিশ্ব ট্ৰমা দিৱস হিচাপে পালন কৰাৰ কথা ঘোষণা কৰা হৈছিল ৷ এই দিৱস পালন কৰাৰ উদ্দেশ্য হৈছে ট্ৰমাৰ সৈতে যুঁজি থকা ব্যক্তিৰ সঠিক যত্নৰ বিষয়ে মানুহক সজাগ কৰা ৷ যিকোনো দুৰ্ঘটনাৰ সময়ত কোনো ব্যক্তিক ট্ৰমাৰ পৰা সময়মতে উলিয়াই অনাৰ গুৰুত্বক বিষয়ে সজাগতা সৃষ্টি কৰাটোৱেই হৈছে এই দিৱসৰ মূল উদ্দেশ্য ৷
বিশ্ব ট্ৰমা দিৱসৰ গুৰুত্ব
- ট্ৰমাৰ কাৰণ, লক্ষণ আৰু প্ৰতিৰোধৰ বিষয়ে মানুহৰ মাজত সজাগতা সৃষ্টি কৰা ৷
- অধিকাংশ ট্ৰমাৰ ঘটনা পথ দুৰ্ঘটনাৰ বাবেই হোৱা দেখা যায়, সেয়েহে বিশ্ব ট্ৰমা দিৱস উদযাপনৰ মূল উদ্দেশ্য হৈছে পথ সুৰক্ষা ব্যৱস্থাৰ প্ৰচাৰ আৰু প্ৰসাৰ ৷ যেনে মদ্যপান কৰি গাড়ী চলোৱা পৰিহাৰ কৰা, গাড়ী চলোৱাৰ সময়ত ছিটবেল্ট পিন্ধা, গাড়ী চলোৱাৰ নিয়ম মানি চলা আদি ৷
- ট্ৰমাই এগৰাকী ব্যক্তিক শাৰীৰিক আৰু মানসিক দুয়োটা দিশতে প্ৰভাৱিত কৰে ৷ গতিকে এই সমস্যাত ভুগি থকা লোকসকলক সহায় আৰু সহযোগিতা প্ৰদানৰ ওপৰত গুৰুত্ব আৰোপ কৰা হৈছে ৷
লগতে পঢ়ক:Black Sesame Benefits: স্বাস্থ্যৰ বাবে মহৌষধ স্বৰূপ ক’লা তিল, ইয়াৰ আচৰিত উপকাৰিতা জানি লওক
