World Patient Safety Day 2023: কিয় উদযাপন কৰা হয় বিশ্ব ৰোগীৰ সুৰক্ষা দিৱস ? জানো আহক

ৰোগীৰ সুৰক্ষা সম্পৰ্কে সমগ্ৰ বিশ্বতে সজাগতা সৃষ্টি কৰিবলৈ প্ৰতি বছৰে ১৭ ছেপ্টেম্বৰত বিশ্ব ৰোগী সুৰক্ষা দিৱস পালন কৰা হয় ।

চিকিৎসকৰ কৰ্তব্য হ’ল ৰোগীৰ যত্ন লোৱা আৰু তেওঁলোকক সুৰক্ষা প্ৰদান কৰা ৷ চিকিৎসকসকল ৰোগীৰ বাবে কোনো ভগৱানতকৈ কম নহয় ৷ এনে পৰিস্থিতিত ৰোগীৰ সুৰক্ষা সন্দৰ্ভত সমগ্ৰ বিশ্বতে সজাগতা বিয়পাবলৈ প্ৰতি বছৰে ১৭ ছেপ্টেম্বৰৰ দিনা বিশ্ব ৰোগীৰ সুৰক্ষা দিৱস পালন কৰা হয় ৷ এই দিৱসটো প্ৰতি বছৰে সমগ্ৰ বিশ্বৰ ৰোগী, চিকিৎসক আৰু স্বাস্থ্যসেৱা প্ৰদানকাৰীয়ে অতি আড়ম্বৰেৰে উদযাপন কৰে ৷

কিয় উদযাপন কৰা হয় বিশ্ব ৰোগীৰ সুৰক্ষা দিৱস ?

এই দিৱস উদযাপনৰ আঁৰৰ উদ্দেশ্য হৈছে ৰোগীৰ সুৰক্ষা সম্পৰ্কে ৰাইজৰ মাজত সজাগতা বিয়পাই দিয়া ৷ চিকিৎসক আৰু ৰোগীৰ মাজত হোৱা হস্তক্ষেপ দূৰ কৰিবলৈও বিশ্ব ৰোগী সুৰক্ষা দিৱস পালন কৰা হয় ৷ আজিৰ দিনটোত বিভিন্ন স্থানত শিবিৰ পাতি এক অভিযান চলোৱা হয়, যাৰ জৰিয়তে মানুহক সজাগ কৰা হয় ৷ বিশ্ব স্বাস্থ্য সংস্থা (WHO)ৰ পৃষ্ঠপোষকতাত অনুষ্ঠিত হোৱা ১১টা স্বাস্থ্য অভিযানৰ ভিতৰত ই এক অন্যতম ৷ এই দিৱসটোও এনেদৰে পালন কৰা হয় যাতে ৰোগীয়ে ভুল ঔষধ বা চিকিৎসাৰ পৰা ৰক্ষা পৰিব পাৰে ৷

বিশ্ব ৰোগী সুৰক্ষা দিৱসৰ ইতিহাস

২০১৯ চনত প্ৰথমবাৰৰ বাবে বিশ্ব ৰোগীৰ সুৰক্ষা দিৱস পালন কৰা হয়, তাৰ পিছত প্ৰতি বছৰে এই দিৱস পালন কৰা হয় ৷ এই অভিযান বিশ্ব স্বাস্থ্য সংস্থাই ২০১৯ চনত ৰাইজৰ মাজত ৰোগীৰ সুৰক্ষাৰ সন্দৰ্ভত সজাগতা বিয়পাবলৈ প্ৰতিষ্ঠা কৰিছিল ৷ এই দিনটোত ৰোগীৰ সুৰক্ষাৰ বাবে বহুতো স্বাস্থ্য সামগ্ৰী মুকলি কৰা হয় আৰু ৱেবিনাৰ আৰু আলোচনা চক্ৰৰ জৰিয়তেও তেওঁলোকৰ সৈতে মত বিনিময় কৰা হয় ৷ কেৱল এয়াই নহয়, আজিৰ দিনটোত চিকিৎসালয়ত ৰোগীৰ স্বাস্থ্য সেৱা আৰু সুৰক্ষাও বৃদ্ধি কৰা হয় ৷

২০২৩ চনৰ বিশ্ব ৰোগী সুৰক্ষা দিৱসৰ বিষয়বস্তু

২০২৩ চনৰ বাবে বিশ্ব ৰোগী সুৰক্ষা দিৱসৰ বিষয়বস্তু হৈছে ৰোগীৰ প্ৰতি যত্ন আৰু সুৰক্ষাৰ বাবে মানুহক অনুপ্ৰাণিত কৰা ৷ এনে পৰিস্থিতিত সকলো স্বাস্থ্যসেৱা প্ৰদানকাৰীকো এই দিনটোত অন্তৰ্ভুক্ত কৰিবলৈ কোৱা হয় ৷

লগতে পঢ়ক:World Lymphoma Awareness Day 2023: কি হয় লিম্ফোমা ৰোগ ? ইয়াৰ পৰা কেনেকৈ আৰোগ্য লাভ কৰিব পাৰি