Fruits: ফল-মূল খোৱাৰ সময় উত্তম কি ? পুষ্টিবিদৰ পৰা ইয়াৰ সঠিক উত্তৰ জানি লওক

আমি সকলোৱে জানো যে ফল-মূল খোৱাটো আমাৰ স্বাস্থ্যৰ পক্ষে কিমান অতি উপকাৰী, কিন্তু আপুনি জানেনে যে ইয়াক খোৱাৰ উত্তম সময় কি ? এই কথা জনাটো অতি প্ৰয়োজনীয় ।

আমি প্ৰায়ে শুনি আহিছো যে ফল-মূলত ভিটামিন, খনিজ আৰু এন্টিঅক্সিডেন্ট থাকে আৰু ইয়াৰ নিয়মীয়া সেৱনে আমাক সুস্থ কৰি তুলিব পাৰে । এই কাৰণেই প্ৰায়ে ইয়াক দৈনন্দিন খাদ্য তালিকাত অন্তৰ্ভুক্ত কৰাৰ পৰামৰ্শ দিয়া হয় । ফলমূল খালে উচ্চ কলেষ্টেৰল, উচ্চ ৰক্তচাপ, হৃদৰোগ, কেন্সাৰ আদি বিপদজনক ৰোগৰ পৰা হাত সাৰিব পাৰি । অৱশ্যে আপুনি নিশ্চয় শুনিছে যে যদিহে স্বাস্থ্যসন্মত খাদ্য সঠিক সময়ত নাখায়, তেন্তে আপুনি হয়তো লোকচানৰ সন্মুখীন হ’বলগীয়া হ’ব পাৰে । গতিকে সতেজ ৰসাল ফল খোৱাৰ উত্তম সময় কি পুষ্টিবিদৰ পৰা জানি লওক-

কেতিয়া ফল-মূল খাব লাগে ?

বিশেষজ্ঞৰ মতে, আপেল, কল, তৰমুজ, এভোকাডো, আম, আনাৰস, চাপোটা আদি ফল ৰাতিপুৱা খাব লাগে । ইয়াৰ আঁৰৰ কাৰণ কি জানো আহক-

ৰাতিপুৱা ফল-মূল খোৱাৰ উপকাৰিতা

১/ ভিটামিন আৰু খনিজ পদাৰ্থ

ৰাতিপুৱা ফল-মূল সেৱন কৰিলে আপোনাৰ শৰীৰে প্ৰয়োজনীয় ভিটামিন আৰু খনিজ পদাৰ্থৰ মাত্ৰা আগতীয়াকৈ পোৱাটো নিশ্চিত কৰে, যাৰ ফলত দিনটোৰ বাবে এক সুস্থ সুৰ নিৰ্ধাৰণ কৰা হয় ।

২/শৰীৰটো হাইড্ৰেট হৈ থাকিব

তৰমুজ আৰু কমলাৰ দৰে ফলত পানীৰ পৰিমাণ বেছি থাকে, ই আপোনাৰ দিনটো হাইড্ৰেচনৰ সৈতে আৰম্ভ কৰাত সহায় কৰে ।

৩/ প্ৰাকৃতিক চেনি

প্ৰাকৃতিক চেনি ফলমূলত পোৱা যায়, যিয়ে ৰাতিপুৱা আপোনাৰ বিপাকীয় ক্ৰিয়া ক্ষীপ্ৰ কৰিবলৈ প্ৰয়োজনীয় শক্তি প্ৰদান কৰে ।

৪/ হজম শক্তি আৰু ওজন কমি যোৱা

ফলত থকা আঁহে হজম শক্তিত সহায় কৰে আৰু আপোনাক ভৰপূৰ অনুভৱ কৰাত সহায় কৰে, যদি আপুনি ওজন কমাব বিচাৰে তেন্তে ৰাতিপুৱা ফল খাওক ।

লগতে পঢ়ক:Sara Ali Khan's beauty secret: কিদৰে ঘৰুৱা সামগ্ৰীৰে নিজৰ ছালৰ যতন লয় ছাৰা আলী খানে

লগতে পঢ়ক:Signs of liver damage: যকৃতৰ ক্ষতি হ’লে শৰীৰত দেখা দিয়ে এইসমূহ লক্ষণ

লগতে পঢ়ক:Brucella Canis: কুকুৰৰ এই দুৰাৰোগ্য ৰোগ মানুহৰ মাজতো বিয়পিবলৈ আৰম্ভ কৰিছে; ইয়াৰ পৰা হাত সৰাৰ উপায় সমূহ কি কি?