সাহাৰা ইণ্ডিয়া পৰিয়ালৰ মুৰব্বী সাহাৰাশ্ৰী সুব্ৰত ৰয় সাহাৰাৰ ৭৫ বছৰ বয়সত মৃত্যু হয় ৷ কোৱা হৈছে যে তেওঁ মেটাষ্টেটিক মেলিগনেন্সি নামৰ কৰ্কট ৰোগত আক্ৰান্ত আছিল ৷ দুৰাৰোগ্য মেটাষ্টেটিক মেলিগনেন্সি, উচ্চ ৰক্তচাপ আৰু ডায়েবেটিছৰ আদিৰ দৰে জটিল ৰোগৰ সৈতে দীৰ্ঘদিন ধৰি যুঁজি থকাৰ পিছত মঙলবাৰৰ নিশা 10.30 বজাত হৃদযন্ত্ৰৰ শ্বাস-প্ৰশ্বাস বন্ধ হৈ চিকিৎসালয়ত শেষ নিশ্বাস ত্যাগ কৰে সাহাৰা ইণ্ডিয়া পৰিয়ালৰ মুৰব্বীগৰাকীয়ে ৷
উল্লেখযোগ্য যে, কেইবছৰমানৰ পূৰ্বে বলীউডৰ অভিনেত্ৰী সোণালী বেন্দ্ৰেও কৈছিল যে তেওঁ এই হাই গ্ৰেড কেন্সাৰৰ বলি হৈছিল, যাৰ বাবে তেওঁ নিউয়ৰ্ক আৰু মুম্বাইত চিকিৎসা গ্ৰহণ কৰিছিল ৷ Metastatic Malignancy কি আৰু ই এজন ব্যক্তিক কেনেদৰে প্ৰভাৱিত কৰিব পাৰে সেই বিষয়ে জনাটো আপোনাৰ বাবে গুৰুত্বপূৰ্ণ ৷
মেটাষ্টেটিক মেলিগনেন্সি কি ?
মানুহৰ মেটাষ্টেটিক কেন্সাৰৰ বিষয়ে বহুলোকেই জ্ঞাত নহয়, কাৰণ সাধাৰণতে আমি হাওঁফাওঁ, কলৰেক্টাল, প্ৰষ্টেট, লিভাৰ, পেট, স্তন, ছাৰ্ভাইক্স আৰু লিভাৰ কেন্সাৰৰ ক্ষেত্ৰত বেছিকৈ শুনা পাওঁ ৷ মেটাষ্টেটিক মেলিগনেন্সি হৈছে অনিয়ন্ত্ৰিত কোষৰ দ্বাৰা হোৱা এক উন্নত কৰ্কট ৰোগ ৷ এই কেন্সাৰ কোষবোৰ আক্ৰান্ত অংগটোৰ বেছমেণ্ট মেমব্ৰেন ফালি ওলাই আহি আন অংগ যেনে হাড়, হাওঁফাওঁ, মগজু আৰু যকৃতলৈ লিম্ফ ন’ড আৰু শিৰাৰ জৰিয়তে বিয়পি পৰে ৷
মেটাষ্টেটিক মেলিগনেন্সি কেনেকৈ চিনাক্ত কৰিব পাৰি ?
মেটাষ্টেটিক মেলিগনেন্সি ধৰা পেলোৱাটো সহজ কাম নহয়, তথাপিও কিছুমান লক্ষণৰ জৰিয়তে ইয়াক চিনাক্ত কৰিব পাৰি ৷ এনে লক্ষণ আন ৰোগতো দেখা যায় যদিও আপোনাৰ বাবে অলপ সজাগ হোৱাটো গুৰুত্বপূৰ্ণ ৷ ইয়াৰ বাবে বিশেষজ্ঞ চিকিৎসকৰ সৈতে যোগাযোগ কৰি প্ৰয়োজনীয় পৰীক্ষাসমূহ কৰাব লাগে যাতে আপুনি মেটাষ্টেটিক টিউমাৰৰ আকাৰ জানিব পাৰে ৷
- মূৰৰ বিষ
- মূৰ ঘুৰণি
- দেখাত অসুবিধা
- উশাহ লোৱাত কষ্ট পোৱা
- পেটত ফুলা
- জণ্ডিচ
- খোজ কঢ়াত অসুবিধা
- আকস্মিক ফ্ৰেকচাৰ
এই পৰীক্ষাৰ জৰিয়তে জনা যাব
লিকুইড বায়’প্সি নামৰ তেজৰ পৰীক্ষাৰ জৰিয়তে মেটাষ্টেটিক মেলিগনেন্সি টিউমাৰ ধৰা পেলাব পাৰি ৷ এই পৰীক্ষাৰ জৰিয়তে CA 125, CEA, CA 19.9, চলাচল কৰা টিউমাৰ কোষ, আলফা ফেট’ প্ৰ’টিন আৰু হাওঁফাওঁৰ কৰ্কট ৰোগ ধৰা পেলাব পাৰি ৷
মেটাষ্টেটিক মেলিগনেন্সিৰ চিকিৎসা
মেটাষ্টেটিক মেলিগনেন্সিৰ চিকিৎসা অলপ জটিল ৷ ইয়াৰ বাবে কেমোথেৰাপি, অস্ত্ৰোপচাৰ, ইমিউন’থেৰাপি আৰু ৰেডিয়’থেৰাপি আদি বিভিন্ন চিকিৎসা পদ্ধতিৰ সন্মুখীন হ’বলগীয়া হ’ব পাৰে ৷ প্ৰাৰম্ভিক পৰ্যায়ত ধৰা পৰিলেহে উন্নত চিকিৎসা সম্ভৱ হয়, যদি এই কেন্সাৰ অত্যধিক বিয়পি পৰে তেন্তে ইয়াক নিয়ন্ত্ৰণ কৰাটো কঠিন হৈ পৰে ৷ অভিনেত্ৰী সোণালী বেন্দ্ৰেই ২০১৮ চনত কৈছিল যে তেওঁ মেটাষ্টেটিক কেন্সাৰত আক্ৰান্ত হৈ আছে যাৰ চিকিৎসাৰ বাবে তেওঁ কেমোথেৰাপি আৰু অস্ত্ৰোপচাৰৰ সহায় লৈছিল ৷ আনহাতে সুব্ৰত ৰয়ে এই কৰ্কট ৰোগৰ পৰা নিজকে ৰক্ষা কৰিব নোৱাৰিলে কাৰণ ই শৰীৰৰ বহু অংশলৈ বিয়পি পৰিছিল ৷
লগতে পঢ়ক: Sahara Group chief death : বিশিষ্ট উদ্যোগপতি তথা সাহাৰা গ্ৰুপৰ প্ৰতিষ্ঠাপক সুব্ৰত ৰয়ৰ দেহাৱসান
